Х.Досмұхамедов атындағы Атырау университетінде «Science  Café» аясында «Болашақ» бағдарламасының тағылымдамадан өтушілерімен кездесу өтті.
Алғашқы сөз кезегі Атырау университетінің Басқарма төрағасы – ректор Идрисов Саламат Нұрмұханұлына берілді. 
Кездесу барысында «Болашақ» тағылымдамасының қорытындысы бойынша енгізудің жоспарланған нәтижелері» тақырыбында физика-математика ғылымдарының кандидаты, қауымдастырылған профессор Ележанова Шынар Қапарқызы және техника ғылымдарының кандидаты Құрманғазиева Ләйла Тасқалиқызы баяндама жасады.
Айта кетсек, Шынар Қапарқызы Ұлыбритания елінің Линкольн университетінде, ал Ләйла Тасқалиқызы  Ұлыбритания елінің Данди университетінде алты ай тағылымдамадан өткен болатын.
Маңызды кездесуде ұстаздар өткен тағылымдаманың қорытындысы бойынша ғылыми-білім беру процесіне енгізудің жоспарланған нәтижелері талқыланып, жас ғалымдардың сұрақтарына жауап берілді.
Шара соңында  ғылым департаментінің директоры Бакирбекова Айгүл Мақұлбекқызы сөз сөйлеп, барлық қатысушыларға ризашылығын білдіріп, сәттілік тіледі.

Тізімге қайта оралу