Профессор К.Б. Сейталиев академиялық мектебі

    Педагогика ғылымдарының докторы, профессор Қ. Б. Сейталиевтің академиялық мектебі 2012 жылы Х. Досмұхамедов АтМУ «Педагогика» кафедрасының базасында құрылған.
   Профессор Қ. Б. Сейталиевтің ғылыми академиялық мектебінің негізгі міндеті болашақ кәсіби-педагогикалық қызметте жоғары кәсібилік пен педагогикалық шеберлік танытатын болашақ маман-мұғалімдерді білікті даярлау болып табылады. Педагогикалық шеберлікті қалыптастыру және жетілдіру, өз кезегінде болашақ мұғалімнің одан әрі жеке өсуіне әкеледі.

   Ғылыми мектептің мақсаты:
   - университеттік білім беруді реформалау жүйесінде болашақ мұғалімдердің дайындығын жетілдіру;
   - Қазақстан Республикасында жоғары білімді қамтамасыз ету және дамыту;
   - жоғары оқу орындарының тәжірибелі мұғалімдері мен ғалымдарының педагогикалық мұрасын зерттеу және тарату.
   - студенттер мен магистранттарға кәсіби-психологиялық және педагогикалық білімді меңгеруге көмек көрсету, олардың ғылыми-зерттеу жұмысына қызығушылығын қалыптастыру.

   Негізгі бағыттары:
   - ғылыми-зерттеу жобалары мен бағдарламаларын талдау, халықтық педагогиканың, шағын жинақты ауылдық мектептің педагогикалық -психологиялық мәселелерін зерттеу, студенттер мен магистранттардың ғылыми-зерттеу және тәжірибелік жұмыстарын ұйымдастыру;
   - университеттің ғылыми өміріне, мақсатты жобалары мен бағдарламаларына қатысу;
   - Атырау облысы және Атырау қаласының оқу орындарында, кәсіпорындары мен ұйымдарында оқу-әдістемелік тәжірибе алмасу жұмыстарын ұйымдастыру;
  - жастар тәрбие мәселелері бойынша әлеуметтік зерттеулер мен мониторингтік іс-шаралар өткізу.

Оқу-әдістемелік жұмыстар:
  - инновациялық білім беру мекемелерімен, кәсіпорындармен және аумақтық құрылымдармен шарттар негізінде қоғамдастықтарға белсенді қатысу, біліктілікті арттыру бағдарламаларына қатысу;
  - баспа және ақпараттық құралдар арқылы (Жарияланымдар, радио және телевизиялық сөз сөйлеулер) ғылыми - педагогикалық жұмыстың жетістіктерімен таныстыру, мектеп мұғалімдерімен және сыртқы мамандармен олардың сұраныстары бойынша кеңес беру жұмыстарын жүзеге асыру;
  - профессор Қ.Б.Сейталиевтің ғылыми мектептің негізгі бағыттары бойынша аудандық және қалалық мектептердің мұғалімдеріне арналған республикалық, облыстық көлемде ғылыми конференция-семинарлар, дөңгелек үстелдер, пікірталастар өткізу;
  - болашақ мұғалімдерді дайындау мәселелері бойынша оқу-әдістемелік құралдар мен оқулықтар, монографиялар әзірлеу және шығару.

Тәжірибелік жұмыстар:
   Профессор Қ. Сейталиевтің ғылыми мектебінің ғылыми-зерттеу жұмыстарының нәтижелері жыл сайын жазылған мақалаларда, монографияларда, диссертацияларда, студенттік және бітіру жұмыстарында көрініс береді.
   Профессор Қ.Б.Сейталиевтың ғылыми мектебінің бағыты бойынша жазылған магистранттар мен докторанттардың зерттеу жұмыстарының нәтижелері университеттің, колледждердің, мектептердің оқу-әдістемелік және тәрбиелік жұмыстарына белсенді түрде енгізіледі.