Ауғанның асуында от кешкендер
15 ақпан күні Халел Досмұхамедов атындағы Атырау университеті Ғылыми кітапхананың ұйымдастыруымен «Ауғанның асуында от кешкендер» атты Ауған соғысының ардагерлерімен кездесу кеші өтті.
1989 жылы 15 ақпан Кеңес әскерлері Ауған жерінен шығарылған күн. Тарихта өзіндік маңызды орны бар арнаулы күнге биыл 33 жыл толып отыр. Статистика бойынша 10 жылға созылған Ауған соғысында КСРО бойынша қайтып оралмаған жалпы адам шығыны-14453-ке жетті.Ал Қазақстаннан Ауған соғысына 22000 адам қатысып, олардың 924- қаза тапты, 21 адам хабарсыз кетті, 1000 жауынгерден астам өз жеріне оралып, алған түрлі дене жарақаттарының кесірінен ауырып қаза болды. Атырау қаласынан 700-ге сарбаз қатысып, оның 1-еуі хабарсыз кетті, ал 14-і сол соғыста қаза тапты.
Алғашқы сөз Х.Досмұхамедов атындағы Атырау университетінің Ғылыми кітапханасының директоры Сәттіғұл Мұратбек Қонысқалиұлына берілді.
Өткенін ескермеген өшеді, өткенін қастерлеген өседі,-демекші, берер тәлімі мол тарихтың тірі куәгерлері, ауғанның асуында от кешкен батырларымыз Кенжеахметов Мұратбек Орынбайұлы, Сарқұлов Серік Бағытұлы, Әмірғалиев Жасұлан Сәтесұлы, Ахпаев Ғалиасқар Сыйқұлы, Мендіғалиев Марат Ақсиітұлы, Балашов Иса Исқожаұлы, Маленов Бисембай Жұмабайұлы, Тасмағанбетов Аманжол Сапиұлына сөз берілді.
Соңымен қатар, Ғылыми кітапхана директоры Сәттіғұл Мұратбек Қонысқалиұлы Атырау университеті атынан Ауған соғысының ардагерлер құрметіне домбыра тартып, ән шырқап, сыйлықтар тарту етті. Шара барысында Ауған соғысының ардагерлері ұйымдастырушыларға, қатысушыларға алғысын айтып, алдағы уақытта жұмыстарына сәттілік тіледі.
