- Басты бет
- Ғылым
- Ғылыми іс-шаралар
- Кітапхана жаңалықтары
- Ыбырай Алтынсарин – ұлы дала ағартушысы
Ыбырай Алтынсарин – ұлы дала ағартушысы
2 қараша күні Х.Досмұхамедов атындағы Атырау университетінің ғылыми кітапханасында қараңғы қазақ көгіне өрмелеп шығып күн болған халқымыздың біртуар тұлғасы, ағартушы, ақын, этнограф-ғалым, ұлт ұстазы Ыбырай Алтынсарин бабамыздың 180 жылдық мерейтойына орай «Ыбырай Алтынсарин – ұлы дала ағартушысы» атты мәдени-танымдық шарасы өтті.
Қазақ тілі мен әдебиеті кафедрасының филология мамандығының студенттері ұйымдастырған шараны қазақ тілі мен әдебиеті кафедрасының аға оқытушысы, п.ғ.к., Бибігүл Сейілханқызы ашты.Шара барысында студенттер Ыбырай бабамыздың өлеңдерін оқып, «Баба рухымен тілдесу» атты қойылымды сахналды. Сондай-ақ, Ы.Алтынсаринның әңгімелері мен өлеңдеріне талдау жасап кейін орыс достарына жазған хаттарының үзінділерін оқыды. Филология мамандығының 4 курс студенті, белгілі айтыскер ақын Фариза Жетпісбаева Ы.Алтынсарин атамызға домбырамен арнау арнап, көрермендерді тәнті етті.
Іс-шараның соңында ғылыми кітапхана директоры міндетін атқарушы Зәуреш Өміржанқызы және қазақ тілі мен әдебиеті кафедрасының аға оқытушысы, ф.ғ.к., Гүлбану Сабирова ризашылықтарын білдіріп студенттерімізге сәттілік тіледі. Университеттің ғылыми кітапханасы атынан қатысушыларға естелік сыйлықтар табыс етілді.