БІЛІМ БАСТАУЫ - КІТАПТА
15 қазанда Х.Досмұхамедов атындағы Атырау университеті кітапханасының оқу залында Кітапханашылар күніне орай мерекелік кеш өтті. Шараға аталған жоғарғы оқу орнының басқарма басшылары, оқытушылары, кітапхана қызметкерлері, оқырмандар мен студенттер құрамы қатынасты.
Алғаш сөз алған университеттің академиялық қызметтер және цифровизация бойынша вице-проректоры Кансұлу Утепқалиева кітапханашыларды айтулы мерекелерімен құттықтаса, университеттің басқарма аппаратының жетекшісі, тарих ғалымдарының кандидаты Гулфайруз Қайырғалиева университет ректоры С. Идрисовтың атынан кітапхана қызметкерлеріне арнайы Алғыс хаттар табыстады. Сондай-ақ, «Қазақ тілі мен әдебиеті» кафедрасының оқытушысы, филология мамандығының магистрі Ақмарал Даутқұлова, ҚР Журналистер Одағының мүшесі Ф. Балғожиев, Филология мамандығының 2 курс студенті Аружан Сүлейменова өздерінің шынайы лебіздерін білдірді.
Мерекелік басқосуда Қазақ тілі мен әдебиеті мамандығ
ының студенттері әсем ән- күймен шашу шашып, өнерлерін ортаға салды.Шара соңында ғылыми кітапхана директорының м.а. Зәуреш Ибрашова келген қонақтарға шынайы алғысын жеткізді.
