Жаңа туынды Ғылыми кітапханамызда
Мемлекет басшысының тапсырмасы негізінде жарық көрген «Ашаршылық. Голод. 1928-1934. Деректі хроника» атты тарихи құнды еңбек университетіміздің Ғылыми кітапхана қорына келіп түсті.
Үш томдық кітапта 1928-1934 жылдар аралығындағы тарихи және архивтік құжаттарды біріктірген. Саяси қуғын-сүргін және ашаршылық құрбандарына арналған үш томдық жинақта зобалаң жылдарға қатысты тың деректер мен құжаттар жинақталған.
Жинақта күні бүгінге дейін талас тудыратын ашаршылықтан қырылған халықтың саны туралы да тың деректер бар.
Үш томдық еңбекте тарихи кезең еш өзгеріссіз бейнеленген. Саяси сүргіннің қалай жүзеге асырылғаны баяндалады. Ақтаңдақтар тағдырынан сыр шертіледі.
