- Басты бет
- МЕДИА-РЕСУРСТАР
- Жаңалықтар
- Ардақ Ғанибайқызы мерейлі жаста
Ардақ Ғанибайқызы мерейлі жаста
2 наурыз күні Х.Досмұхамедов атындағы Атырау университетінде ұлағатты ұстаз, ғалым, химия ғылымдарының кандидаты, қауымдастырылған профессор Амангосова Ардақ Ғанибайқызының 60 жасқа толуына арналған кезектен тыс Кеңейтілген Ғылыми кеңес өтті.
Шараға Қазақстанның жоғары оқу орындарының белгілі ғалымдары, Атырау облысы білім беру саласы қызметкерлері қатысты.
Салтанатты жиынды Басқарма төрағасы-ректор Саламат Нұрмұханұлы құттықтау сөзімен ашып, мерейтой иесіне құттықтау хатын табыс еттіп, жастарды оқыту және тәрбиелеу ісіндегі еңбегі үшін, университет дамуына қосқан үлесі үшін төсбелгісімен марапаттады.
Жиын барысында Х.Досмұхамедов атындағы университетінде және білім беру саласында 40 жылдан астам өзінің білімі мен тәжірибесін жеткіншек жастарға беру жолында қажырлы еңбек етіп келе жатқан ұстаз, туралы қысқаша шолу ретінде бейнеролик көрсетіліп, әл-Фараби атындағы ҚазҰУ-нің Ғылыми-инновациялық жұмыс жөніндегі проректоры Тілекқабыл Сабитұлы атынан құттықтау хаты табыс етілді.
Сонымен қатар, шара барысында қатысушылар және бірге оқыған құрдастары, курстастары ұлағатты ұстазға деген ыстық лебіздері мен жүрек жарды тілектерін білдіріп, арнайы құттықтауларын жеткізді.
Университеттің кафедра меңгерушілері, ұжымдастары және туыстары өз алғыстары мен тілектерін білдіріп, арнайы сыйлықтарын табыстады.
Жиын соңында мерейтой иесі Ардақ Ғанибайқызы баршаға өзінің шексіз алғысын айтып қорытындылады.
ПІКІРЛЕР