- Басты бет
- МЕДИА-РЕСУРСТАР
- Жаңалықтар
- МЕРЕКЕГЕ АРНАЛҒАН ШАРАЛАР
МЕРЕКЕГЕ АРНАЛҒАН ШАРАЛАР
26-27 ақпанда Алғыс айту күні қарсаңында Таразда Қазақстан халқы Ассамблеясы кафедраларының қауымдастығы мен М.Х. Дулати атындағы Тараз аймақтық университетінде 72-сағаттық вебинар циклының ҚХА кафедраларының этномәдени қауымдастықпен ынтымақтастығы мәселелер жөнінде кезекті республикалық ғылыми-әдістемелік онлайн семинар өтті. Вебинарды құттықтау сөзімен Жамбыл облысының әкімі Бердібек Сапарбаев ашты. Сондай-ақ семинардың ашылуында Л. Гумилев атындағы ЕҰУ ректоры Ерлан Сыдықов және Дулати университетінің ректоры сөз сөйледі. Вебинарға мемлекеттік органдар және қоғамдық ұйымдардың басшылары, ҚР Парламенті Мәжілісінің депутаттары, ЖОО ҚХА кафедралары, ҚХА Ғылыми-сараптамалық топтарының, этномәдени бірлестіктерінің өкілдері қатысты. Келесі вебинардың эстафетасын Е. Бөкетов атындағы Қарағанды университетінің ректоры Нұрлан Дұлатбеков қабылдап алады. 25-26 наурызда өтетін бұл шара ҚХА ғылыми-сараптамалық және этномәдени қауымдастықтардың тарихи жады саясатын іске асыру, архив пен музейлермен қуғын сұргін құрбандарын толық ақтау Мемлекет комиссия қызметіне байланысты мәселелерге арналады.
Алғыс айту күні, 1 наурызда, "Caspian news" телеарнасында тарихшы-ғалымдар және этномәдени бірлестіктері басшыларының қатысуларымен тікелей эфирде кездесу өтті. Х. Досмұхамедов атындағы Атырау университеті атынан арнайы мерекелік бағдарламаға Қазақстан халқы Ассамблеясы институтының директоры Жанна Қыдыралина қатысты. Кездесуде телеэфир қонақтары Алғыс айту күні - бұл алдымен бейбітшілік пен келісім саясатының нәтижесінде еліміздің ырысы мен ынтымағы, бірлігі мен тірлігі жарасқан Қазақстан азаматтарының бір-біріне деген шынайы алғысы мен ыстық ықыласының белгісі деп атап өтті.
https://youtu.be/R8U9fmaHcSc
Жанна Қыдыралина,
ҚХА Институтының директоры, т.ғ.д., профессор
ПІКІРЛЕР