Жас мамандарға тұлғалық өсуге бағытталған курс басталды

Жас мамандарға тұлғалық өсуге бағытталған курс басталды

2021 жылы 20-26 қаңтар аралығында жас мамандарға «Рефлексивті ойлау – нәтиже алу процесін көрсететін ойлаудың белсенді түрі» тақырыбында  курс басталды.

Өмірде әр адам өзі туралы, өз ұстанымдары, тұлғалық сапалары, мінез-құлқылары және де басқа адамдарға ықпалы туралы ойланатын жағдаяттар болады. Осылай ойланып-толғануға қандайда бір проблемалық ситуация себеп болуы хақ. Бұл адам өмірінде бір нәрсе «дұрыс емес» болып жатқанын, бұрынғыдай жасай алмайтын жағдайға тап болғанын байқаған соң орын алады. Өзін, қылығын, ойларын, сезімдерін, уайымдарын бақылай отырып, адам көбіне ешкімге ұқсамайтынымен,тіпті қарама-қайшылығымен ұшырасады. Осыны шешу үшін адам қылығын, ойын, қатынасын теріске шығаратын немесе растайтын дәйектер іздейді.

Осы іздестіру іштегі диалогпен бір үдерісте жүреді. Рефлексия екіжақты бейнелеу елестету қасиетіне тән болғандықтан, адамға оны басқалардың қалай қабылдап және бағалап отырғанын білуге болады. Рефлексия өзіне және басқаларға деген көзқарасы жай көрегенділікпен ғана емес, сонымен бірге оның көп жағдайда есеюіне жәрдемдеседі. Өзін танып біле отырып, басқаларды тереңірек түсініп, адам ортаның ықпалынан, ойсыз жүруден, кездейсоқ импульсивті қылықтардан көп арыла бастайды.

Қай адамда рефлексия тереңірек дамыған болса, сол өз өмірінің субьектісі болуға қабілетті,сол адам өзінің және саналы қойылған мақсаттарға бағдарлана басқалардың алдында жауапкершілігі жоғары болады. Бұл мағынада рефлексия қуатты дамытушылық қызметке ие.

Рефлексивті ойлау –сыни ойлауға қарағанда, нәтиже алу процесінің өзін көрсетеді, яғни, қай тәсілмен, қандай әдістермен және қандай еңбекпен бұл нәтижеге жеткені туралы ойлаудың белсенді түрі. Қазіргі таңда білім беру жүйесі кәсіби маман алдына тұлғалық және рефлексивті ойлау қабілеттерін дамытуды бірінші орынға қойып отыр. Сондықтан әр мұғалімге өзбетімен инновацияны меңгеруге, кәсіби қиыншылықтарды жеңуге, инновациялық тәжірибені әріптестермен бөлісуге біліктілік арттыру курстары мен семинарға қатысқаннан кейінгі педагогтың кәсіби дамуындағы болған өзгерістер моделіне шолу жасап, мұғалімнің ең жоғарғы деңгейі – педагогикалық рефлексияға бағыттау мақсатында осы курс өткізіліп отыр. Орыс ғалымдарының еңбектерін негізге ала отырып, қабілеттің ең жоғарғы деңгейі педагогикалық рефлексияны мектепте құрудың маңыздылығына тоқталып, зор әлеует мүмкіндіктеріне ие, дәстүрлі емес педагогикалық ойлаумен ерекшеленген, кәсіби міндеттерді сауатты шешу дағдылары бар, педагогикалық шынайылылықты өзгерте алу қабілеті және әрекеттік нәтижеге жете алатын мамандар ғана өмірдің жаңа жағдайында жасай алады.


Дәріс беруші: Ханалиева К.А.

Құзыреттілік, қайта даярлау және мансапты

жоспарлау кеңсесінің жетекші маманы


ПІКІРЛЕР

Тізімге қайта оралу