Сұлулық әлемді құтқарады
Дәл осындай атаумен 14 қаңтарда Х.Досмұхамедов атындағы Атырау университетінде әдістемелік декада жалғасуда.
Университетіміздің 70 жылдығына орай Бейнелеу және дизайн кафедрасы таңғажайып туындыларға толы көрме ұйымдастырды. Әдістемелік декадаға Басқарма төрағасы-ректор Саламат Нұрмұханұлы және факультет декандары қатысты.
Білім ордасының басшысы Саламат Нұрмұханұлы шығармашыл тұлғалардың туындыларын жоғары бағалап, өлшеусіз еңбектеріне табыс тілеп, кафедра оқытушыларының жаңа бастамаларына сәттілік тіледі.
Көрмеде Бейнелеу өнері және дизайн кафедрасының меңгерушісі Салтанат Рашидқызы келген қонақтарға кафедра оқытушыларының туындыларын таныстырды.
Атап айтқанда, көрмеде қылқалам иелері Мәскеудің В.И. Суриков атындағы академияның түлегі Қ.Х.Аманов, Абай атындағы ҚазПИ түлегі Б.А.Утаралиевтің суреттері, сонымен қатар кафедра оқытушылары Жапалова Камила, Кененова Айзада сынды қолөнер шеберлерінің туындылары қойылған.
Сұлулық әлемді құтқарады деп бекер айтылмаса керек. Осындай әдемілікке толы дүниелерді жарыққа шығарып, көрермендер мен өнер сүйер қауымның ризашылығы мен алғысына бөленген әріптестерімізге шығармашылық өркендеу, үздіксіз даму, шалқар шабыт тілейміз.
ПІКІРЛЕР