2020-2021 оқу жылының 2 семестрінде оқу үдерісін ұйымдастыру бойынша ақпарат
1-курс студенттері үшін:
Медициналық көрсетілімдер болған жағдайда студенттер өтініш негізінде қашықтықтан оқытуды жалғастыруға құқылы.
2 және 3-курс студенттері үшін:2020-2021 оқу жылының көктемгі семестрінде сабақтар келесі білім салалары бойынша қашықтықтан оқыту форматында өтеді:
- Педагогика ғылымдары («6B01401 Дене шынықтыру пәнінің мұғалімі және таңдаған спорт түрінен жаттықтырушы» білім бағдарламасынан басқа);
- Гуманитарлық ғылымдары;
- Тілдер және әдебиет;
- Әлеуметтік ғылымдар, журналистика және ақпарат;
- Бизнес, басқару және құқық;
- Ақпараттық-коммуникативтік технологиялар;
- Қызметтер (көлік қызметтерінен басқа).
Әлеуметтік қашықтықты және күшейтілген санитарлық шараларды сақтай отырып, келесі білім бағдарламалары бойынша аралас формата сабақтар өтетін болады:
- Педагогика ғылымдары («6B01401 Дене шынықтыру пәнінің мұғалімі және таңдаған спорт түрінен жаттықтырушы»);
- Өнер («6B02102 Халық аспаптары», «6B02101 Концерттік-камералық орындаушы, оқытушы», «6B02104 Халық әні», «6B02103 Таңдалған бағытта дизайн, білім беру жүйесінде суретші-дизайнер»);
- Жаратылыстану ғылымдары, математика және статистика («6B05201 Қолданбалы экология», «6B05401 Қолданбалы математикалық модельдеу», «6B05302 Физик зерттеуші», «6B05301 Химиялық талдау және сараптама», «6B05101 Биология және ауылшаруашылығы»);
- Инженерлік, өңдеуші және құрылыс салалары («6B07501 Стандарттау және сертификаттау», «6B07101 Көмірсутектердің химиялық технологиясы»);
- Ауыл шаруашылығы және биоресурстар («6B08601 Су ресурстарын кешенді пайдалану», «6B08401 Балық шаруашылығы және ихтиология», «6B08201 Мал дәрігерлік негізіндегі мал шаруашылығы», «6B08101 Егіншілік және жылыжай шаруашылығы»).
Ақпараттық-коммуникациялық технологиялар (ағылшын тілінде), Әлеуметтік-саяси білім модулі (саясаттану, әлеуметтану, мәдениеттану, психология), Мәңгілік ел, Экология және өмір қауіпсіздік негіздері, Инклюзивті білім беру, Тәрбие жұмысының теориясы мен әдістемесі, Білім берудегі IT және Сыбайлас жемқорлыққа қарсы мәдениетті қалыптастыру негіздері сияқты жалпы білім беретін пәндері бойынша сабақ қашықтықтан (онлайн) өтеді. Қалған кәсіби пәндер бойынша қолданбалы сипаттағы зертханалық, практикалық және семинар сабақтар 2 метр әлеуметтік қашықтықты сақтай отырып оффлайн түрде өтетін болады.
4-курс студенттері үшін:
Оқу үдерісі күнтізбелік жоспарға (дипломалды және кәсіптік практиканы ұйымдастыру, қорытынды аттестаттауды өткізу) сәйкес даярлау бағыттарына байланысты қашықтықтан/аралас оқыту форматтарында ұйымдастырылады.
Шетелдік академиялық ұтқырлық бағдарламасына шектеу қойылып, виртуалды академиялық ұтқырлық форматында ұйымдастырылады.
Университетке келіп оқитын білім алушыларға аудиторияларда сабақ барысында бетперде кию міндеттеледі. Бетпердесіз келген студенттер университет аумағына жіберілмейді.
ПІКІРЛЕР