Кітапхана қоры жаңа ғылыми еңбекпен толықты
«TALAP» қолданбалы зерттеулер орталығы» қоғамдық қоры Конрад Аденауэр атындағы Қорымен бірлесіп, Қазақстан-Қытай өзара іс-қимылының даму тарихына, қазіргі жай-күйі мен перспективаларына арналған зерттеу жүргізіп «Қытайдың Қазақстандағы экономикалық стратегиясы мен сыртқы саясатын талдау» атты екі тілде (қазақ және орыс тілінде) еңбегін жарыққа шығарды.
Жұмыста «Белдеу және жол» бастамасын талдауды, Қазақстан Республикасының экономикасын дамытудағы қытай инвестицияларының рөлін анықтауды, қытай жұмыс күшінің қазақстандық еңбек нарығына әсерін бағалауды, Қытайдың Қазақстандағы «жұмсақ күшінің» даму трендтерін зерттеуді қамтитын мәселелер кешені ашылған.
«Талап» қолданбалы зерттеулер орталығының директоры Ошакбаев Рахим Сакенұлының университет қорына арнайы жіберген бұл еңбегі мемлекеттік органдар, қытайлық серіктестермен жұмыс істейтін немесе жұмыс істеуге ниет білдіретін кәсіпкерлер, сарапшылар, студенттер, сондай-ақ Қазақстан мен Қытай ынтымақтастығының тақырыбына қызығушылық танытатын көпшілік үшін таптырмас көмекші құрал болып табылады.
ПІКІРЛЕР