"Өнегелі өмір" сериясынан Х.Б.Табылдиев туралы жинақ жарық көрді
Әл Фараби атындағы Қазақ Ұлттық университетінің «Өнегелі өмір» cериясынан университетіміздің тұңғыш ректоры Хисмет Бозанұлы Табылдиевтің өмірбаяны мен еңбектеріне арналған саны жарық көрді. Бұл еңбекте автордың таңдамалы шығармаларынан фотоестеліктер, мұрағат құжаттары, БАҚ шыққан сұхбаттар мен материалдар топтастырылып, 300 бет көлемінде жинақ болып шықты. «Өнегелі өмір» туындысы Қазақстандағы жетекші университеттердің бірі - Әл Фараби атындағы Қазақ Ұлттық университетінің бастамасы бойынша қоғамдық және саяси қайраткерлердің өмірімен таныстыру үшін құрастырлған. Мазмұнды жинақтың алғашқы саны Елбасы Н.Ә.Назарбаевқа арналды. Сонымен қатар, бірқатар сандарында қазақтың белгілі қоғам қайраткерлері Ә.Кекілбаев, Ф.Оңғарсынова, К.Тоқаев, Ш.Мұртаза, М.Әуезовтың өмірдеректері мен еңбектері жарияланған. Осындай біртуар ұлы ғалымдар мен ғұламаларды кейінгі ұрпаққа насихаттауға арналған тың туындының кезекті саны университетіміздің ректоры, профессор, педагогика ғылымдарының академигі, тарих ғылымдарының докторы, академик, ғалым Х.Б.Табылдиевке арналып, жарыққа шығуы университетіміздің ұжымы үшін де, ғалымның жанұясы үшін де мерейлі жұмыс. Х.Б.Табылдиев атындағы ғылыми-зерттеу институтының жемісті еңбегінің нәтижесінде жарыққа шыққан тағылымы мол дүние мерейімізді арттырады. Алдағы уақытта Х.Б.Табылдиев оқулары ұйымдастырылады деп жоспарлануда.
ПІКІРЛЕР