- Басты бет
- МЕДИА-РЕСУРСТАР
- Жаңалықтар
- Қашықтан оқытуда білім алушылардың оқу жетістіктерін бақылауды ұйымдастыру
Қашықтан оқытуда білім алушылардың оқу жетістіктерін бақылауды ұйымдастыру
2 желтоқсан күні Информатика кафедрасының ұйымдастыруымен «Қашықтықтан оқытуда білім алушылардың оқу жетістіктерін бақылауды ұйымдастыру» атты әдістемелік вебинар өтті. Вебинардың мақсаты - қашықтықтан оқытуда оқытушының білім алушылардың оқу жетістіктерін цифрлық технологиялар көмегімен бақылау мәселелеріне тоқталып, информатика кафедрасы профессор-оқытушылар құрамының оқу жетістіктерін ағымдағы бақылау үшін электрондық, мобильдік және инновациялық оқыту әдістері мен технологияларын қолдану тәжірибелерімен бөлісу.
Вебинар жұмыс барысында 2020-2021 оқу жылының қысқы сессиясындағы қорытынды бақылау формалары туралы сөзді академиялық мәселелер жөніндегі проректор К.М. Утепкалиева алса, спикерлер - магистр, аға оқытушылар А.Е Габдулова, З.Ж. Жанузакова, А.А. Есекенова және магистр, оқытушылар А.И.Кумаргалиева, А.Б. Бекетова «Microsoft Teams бағдарламасында кері байланыс алудың қосымша мүмкіндіктері», «QUIZLET платформасында тест құру технологиясы», «Бағалауда G Suite платформасының қолданылуы», «Liveworksheets платформасында кері байланыс алудың түрлері», «Classtime бағдарламасында интерактивті тапсырмалар жасақтау» тақырыптарында баяндамалар жасады.
Вебинар соңында сөзді Информатика кафедрасының меңгерушісі, ф.-м.ғ.к. А.Ж. Майлыбаева алып, білім алушылардың оқу нысандарын оңтайландыру үшін цифрлық технологияларды, олардың әдістері мен құралдарын қолдануда тәжірибе алмасу қашықтықтан оқытуда жүйелі ұйымдастыруда оң нәтижені беретіні туралы айтса, вебинар модераторы, ф.-м.ғ.к. Ғ.А.Салтанова қашықтықтан білім беру технологияларын пайдалана отырып, оқытуды сапалы ұйымдастыруда спикерлердің баяндамаларында қамтылған онлайн сервистер мен платформалар мақсатымызға жетуге ықпал етеді дей отырып, қатысушыларға алғыстарын білдіріп қорытындылады.
Информатика кафедрасы
ПІКІРЛЕР