Қыз тәрбиесі-ұлт тәрбиесі
Сол тәрізді ата -дәстүр, салт-сананы берік ұстанып өскен қазақ қызы қай ортада болсын, өзінің ерекше болмысымен көзге түсетіні анық. Қазақ қызының бойындағы асыл қасиеттерімен бірге сыр-сымбаты да өзге ұлттан дараланып тұруы тиіс.
Осыған орай Қыз тәрбиесіне байланысты желтоқсан күні Х. Досмұхамедов атындағы Атырау университетінде Жастар саясаты департаменті және Инновациялық білім беру факультетінің ұйымдастыруымен “Қыз тәрбиесі және қазақ халқының қол өнері” атты кеш өтті.
Кеш қонақтары ретінде “Ақ желкен” қол өнері шеберінің жетекшісі, “Ел сана” руханият патриоттық қауымдастығы, аналар алқасының мүшесі Сүйесінова Рая Аяшқызы, “Ел сана” руханият патриоттық қауымдастығы, аналар алқасының мүшесі, ҚР білім беру ісінің үздігі, еңбек ардагері Алтаева Дамен Биханқызы, педагогика ғылымдарының докторы, қауымдастырылған профессор Барсай Бақыт Телжанқызы және Әлеуметтік мәселелер және жастар саясаты жөніндегі проректор Қойшығұлова Ляйля Ерболатқызы қатынасты.
Кездесу барысында қыз тәрбиесі, қоғамдағы орны және отбасылық тәрбие, қазақ халқының салт- дәстүрлері тақырыптары қозғалды. Студенттер тарапынан жаһанданған қоғамның өзінде Қазақ халқының ұмыт болған, озық салт-дәстүрлерін жаңа заманда да, көзқарасы жаңа қоғамда да жандандыруға болады деген ұсыныстар ортаға тасталды. Кездесудің соңы кеш қонақтарына деген ізгі тілектер мен марапатталумен аяқталды.
ПІКІРЛЕР