КАСПИЙ МАҢЫ ЕЛДЕРІ УНИВЕРСИТЕТТЕРІНІҢ ОНЛАЙН КЕЗДЕСУІ
2020 жылдың 25 қарашасында вебинар форматында Каспий маңы елдері мемлекеттік университеттер қауымдастығы мен ғылыми-зерттеу институттар басшыларының кездесуі өтті. Кездесу барысында қауымдастыққа мүше университеттер ректорларының баяндамалары тыңдалды, серіктес университеттердің халықаралық ынтымақтастығын одан әрі дамыту бойынша алдағы іс-шаралар талқыланды.
Қазіргі таңда Х.Досмұхамедов атындағы Атырау университетінде виртуалды ұтқырлық және қос дипломды білім беру бағдарламалары саласында белсенді жұмыс жүргізілуде. Виртуалды ұтқырлық бағдарламасы бойынша университетіміздің студенттері Түркия, Қытай және Ресейдің жоғары оқу орындарында білім алуда. Сонымен қатар, қос диплом бағдарламасы аясында Астрахан мемлекеттік техникалық университетімен сәтті ынтымақтастық орнаттық. Жақын арада қауымдастық серіктес мүшелерінің баяндамаларында айтылған басқа жоғары оқу орындарымен білім беру бағдарламалары бойынша жұмысты бастау жоспарлануда.
Сонымен қатар, қауымдастық аясында Х. Досмұхамедов атындағы Атырау университеті Каспий күніне арналған онлайн суреттер байқауын сәтті өткізді және С. Өтебаев атындағы Атырау Мұнай және газ университетінде Каспий хабы құрылып, халықаралық ғылыми онлайн-форум және т. б. ұйымдастырылды.
ПІКІРЛЕР