Тарих пен татулықтың бастауы болар мәдени орталық
25 қарашада Х. Досмұхамедов атындағы Атырау университеті базасында «Орыс тілі мен әдебиеті, мәдениеті» орталығының салтанатты ашылу рәсімі өтті.
Мақсаты – университет студенттері үшін орыс тілі мен әдебиетін насихаттау, орыс мәдениетімен таныстыру, әр түрлі елдердің мәдени мұрасын меңгеруге бағыттау, ғылыми зерттеулерде мұғалімдерге, студенттер мен магистранттарға әдістемелік көмек көрсету.
Тұңғыш Президент күніне орай ұйымдастырылған орталықтың ашылуы бәріміз үшін айтулы іс-шара болып табылады.
Бір жарым ғасырдан астам қазақ жерінде орыстар тұрады. Ортақ тарих, бір-бірінің салт-дәстүрлеріне деген шынайы қызығушылық, достық, отбасылық қатынастар қазақтар мен орыстардың ұрпақтары арқылы беріледі. Уақытпен сыналған тарихтың іргетасы ретінде қазіргі заманғы серіктестік ретінде қызмет ететін Атырау қаласындағы "Былина" орыс этномәдени бірлестігі үлкен рөл атқарады.
Шараның алғашқы бөлімі "Былина" - "Гурьевчанка" орыс этномәдени бірлестігінің вокалдық ансамблі өнер көрсетуімен басталды.
Ашылу лентасын кесу құрметі Басқарма Төрағасы – ректор м.а. - Идрисов Саламат Нұрмұханұлы мен Орал қаласындағы Ресей Федерациясы Бас консулдығының Вице-консулы – Волков Владимир Александровичке берілді.
Алғашқы сөз кезегі Басқарма Төрағасы-университет ректоры м.а. Саламат Нұрмұханұлы Идрисовке берілді.
Сонымен қатар, арнайы қонағымыз Волков Владимир Александрович Тұңғыш президент күніне орай ұйымдастырылған мәдени шара - сәттіліктің бастауы болсын деп, жүрекжарды тілегін білдірді.
Сонымен қатар, кеш қонағы ретінде арнайы шақыртылған Облыстық тілдерді дамыту басқармасының басшысы Асия Қыстаубаева Баянқызы, "Былина" орыс этномәдени бірлестігінің төрағасы Андрей Александрович Кораблев өз ойларын ортаға салды.
Алдағы уақытта игі істің бастамасы – Орыс тілі, әдебиеті және мәдениеті орталығында конференциялар мен семинарлар, дөңгелек үстелдер мен пікірталастар, тақырыптық кештер, оқырман конференциялары, презентациялар өткізіледі.
Ерекше сезіммен шынайы ризашылықтарын білдірген Көптілді білім беру факультетінің деканы Айгүл Айтмұханқызы Сұлтангубиева мен Орыс филологиясы кафедрасының ардагері Сәуле Сергоевна Дүтбаева бұл орталықтың студенттер үшін үлкен көмек болатындығын жеткізді.
Шара соңында қатысушылар кеш қонақтарына дайындалған дастарханнан дәм татып, ыстық ықыластарымен лебіздерін айтты.
ПІКІРЛЕР