"Салықтық құқық бұзушылықтар" тақырыбында дәріс өтті

Қазақстанның шаруашылық өмірінде қазіргі таңда жалған банкроттық, валюталық және кеден заңнамаларын бұзу банк саласындағы ақша қаражаттарын талан-таражға салу сынды құқық бұзушылық түрлерінде криминалды экономикалық қатынастар күн санап өсуде. Уақытында бір реттік сипат алған салықтан жалтару фактілері соңғы жылдары етек жайғаны байқалады.
Теорияда салықтан "қашудың" мәнін біршама нақты белгілеуге болғанымен де, практикада көптеген жағдайда трансакциялардың әрбір спецификалық жиынында қандай өткізбелер қолданылатынын айқындау үшін, салық салу саласындағы кәсіпқойлардың қымбат тұратын ұсыныстамалары қажет болады. Осы орайда "Қазақстан Республикасының Салық құқығы" пәнінен "Салықтық құқық бұзушылықтар" тақырыбында Атырау облысы Мемлекеттік кірістер департаментінің түсіндіру жұмысы басқармасының басшысы Нұрболат Әлібекұлы Сарманов 5В030100-Құқықтану білім бағдарламасы 4-ші курс студенттеріне онлайн дәріс оқып, студенттер сұрақтарына жауап берді.
Салық жүйесіндегі қылмыстар мемлекеттің кіріс бюджетіне түсетін ақша қаражаттардың ағымын тосқауылдап, мемлекеттің бюджеттік және салықтық саясатын жүйесіздендіретіндігін, бәсекелестіктің негізін бұзатынын; себебі салық төлемеген тұлғалар тауар және қызмет нарығында артықшылықтарға ие болатындығын айтып өтті. Бюджет тапшылығы алдымен, әлеуметтік салаға, ғылым мен мәдениеттің дамуына, құқық қорғау органдарын қаржыландыруына әсерін тигізетіні, елде әлеуметтік тапшылық және саяси тұрақсыздық қалыптасатыны белгілі. Болашақ мамандардың салық саласында ғылыммен айналысуы, білімдерін жетілдіруі қазіргі таңдағы осы саладағы келеңсіздіктер тудырып отырған өткір мәселелерді шешетін білікті маман ретінде қалыптасуына үлес қосатынын айта отырып, ел болашағы үшін бірлесіп жұмыс жасауға шақырды.