- Басты бет
- МЕДИА-РЕСУРСТАР
- Жаңалықтар
- ЖИТС- ғасыр дерті
ЖИТС- ғасыр дерті
1 желтоқсан – Дүниежүзілік ЖИТС-ке қарсы күрес күні. Осы орайда, 18 қараша күні Х.Досмұхамедов атындағы Атырау университетінде Жастар саясаты департаментінің ұйымдастыруымен Атырау облысы ЖИТС-ке қарсы күрес және алдын алу орталығының педагогы Айша Сатымқызының қатысуымен «Біз біргеміз» атты семинар- тренинг өтті. Семинардың мақсаты студенттерге ЖИТС-ның қазіргі таңдағы адамзаттың басты проблемасы екенін, оның зиянды жақтарын түсіндіру, ғасыр дертіне айналып отырған кеселдің залалын жан-жақты меңгерту, зиянды әдеттен барынша аулақ болуға шақыру. ЖИТС-ның адам өміріне зиянды әсерін аша отырып, олардың сана-сезімдерін тәрбиелеу және салауатты өмір сүруге азаматты жауапкершілікті орнықтыру. ЖИТС-ке қарсы күрес және алдын алу орталығының педагогы Айша Сатымқызы студенттердің сауалдарына жауап берді. Семинар соңында Атырау облысы ЖИТС-ке қарсы күрес және алдын алу орталығының медбикелері Тілекші Аймағамбетова және Рита Тлепова студенттердің қалауы бойынша сынама жасап, сол сәтте талдау қорытындысымен танысты.
Өз денсаулығыңыз – өз қолыңызда. Денсаулығымызға бей-жай қарамайық.
ПІКІРЛЕР