ОҚУ-ӘДІСТЕМЕЛІК КЕҢЕС ОТЫРЫСЫ ӨТТІ
30 қазан күні Х.Досмұхамедов атындағы Атырау университетінің оқу-әдістемелік кеңесінің бірінші отырысы өтті. Күн тәртібінде төмендегідей мәселелер талқыланды.
Оқу-ісі жөніндегі проректор К.М. Утепкалиева 2020-2021 оқу жылына университет оқу-әдістемелік кеңесінің құрамын бекіту, оқу-әдістемелік кеңестің жұмыс топтарын құру туралы өз баяндамасын жасады.
Университет оқу-әдістемелік кеңесінің 2020-2021 оқу жылына жұмыс жоспарын бекітуге ұсыну, университет профессор-оқытушы құрамының оқу, оқу-әдістемелік құралдарын 2020-2021 оқу жылы баспаға шығару жоспары туралы академиялық мәселелер жөніндегі департамент директоры Ж.У. Сулейменова баяндады.
2020-2021 оқу жылына арналған педагог кадрларды қайта даярлау бағдарламаларын бекіту туралы факультет декандары және үздіксіз білім беру және мансапты жоспарлау орталығының директоры З.Г. Султанова баяндады.
Университет профессор-оқытушы құрамының оқу, оқу-әдістемелік
құралдарын баспаға ұсыну туралы мәселені академиялық мәселелер жөніндегі департамент директоры Ж.У. Сулейменова баян етті.
Факультет декандары 2020-2021 оқу жылындағы магистрлік диссертацияның (жобаның) тақырыптары мен жетекшілерін бекітуге ұсыныс білдірді.
Университет бойынша жұмыстан шығып кеткен оқытушы-профессорлардың орнына жетекшілерін қайта тағайындау және қайта қабылданған магистранттардың тақырыптары мен жетекшілерін бекітуге академиялық мәселелер жөніндегі департамент директоры Ж.У. Сулейменова ұсыныс білдірді.
Оқу-әдістемелік Кеңесі шешімімен:
1.1 Ашық дауыс беру қорытындысы бойынша, 2020-2021 оқу жылына университет оқу-әдістемелік кеңесінің құрамы бекітілді.
1.2 Оқу-әдістемелік кеңестің 3 жұмыс топтарының құрамы бекітілді.
1.3 Ашық дауыс беру қорытындысы бойынша, университет оқу-әдістемелік кеңесінің 2020-2021 оқу жылына жұмыс жоспары бекітілді.
1.4 Ашық дауыс беру қорытындысы бойынша, 2020-2021 оқу жылына арналған педагог кадрларды қайта даярлау бағдарламалары бойынша түскен ұсыныстар ескеріліп, бекітілді.
1.5 Көптілді білім беру факультеті, Қазақ тілі мен әдебиеті кафедрасының ф.ғ.д.,профессоры Қ.Ө.Жүсіптің «Әдебиеттануға кіріспе» атты оқу құралы және Экономика және құқық факультеті, Қаржы және есеп кафедрасының магистр, аға оқытушылары А.Ж.Есқалиева мен Л.К.Саналиеваның «Финансовое оздоровление компаний» атты оқу құралы Оқу-әдістемелік Кеңестің шешімімен баспадан шығаруға университеттің кезекті Ғылыми Кеңесі отырысына бекітуге ұсынылды.
1.6 Ашық дауыс беру қорытындысы бойынша, 2020-2021 оқу жылындағы магистрлік диссертацияның (жобалардың) тақырыптары қойылатын талап, ережелерге сәйкес рәсімделіп, университет Ғылыми Кеңесі отырысына бекітуге ұсынылды.
1.7 Ашық дауыс беру қорытындысы бойынша, Университет бойынша жұмыстан шығып кеткен оқытушы-профессорлардың орнына және қайта қабылданған магистранттардың тақырыптары мен жетекшілерін бекіту университеттің Ғылыми Кеңесі отырысына ұсынылды.
ПІКІРЛЕР