МЕМЛЕКЕТТІК ҚЫЗМЕТТІҢ ЖЕТІ ҚАЗЫНАСЫ
Атырау облыстық Мемлекеттік қызмет істері жөніндегі департаментімен бірлескен, «Мемлекеттік қызметкерлердің кәсіби біліктілігін арттыру және Мемлекеттік «Рухани Жаңғыру» бағдарламасын насихаттау аясында Х.Досмұхамедов атындағы Атырау университетінде алқа мәжілісі өтті.
Жиынға басқарма төрағасы, ректор Саламат Нұрмұханұлы және ҚР мемлекеттік қызмет істері агенттігінің Атырау облысы бойынша департаменті басшысы – Әдеп жөніндегі кеңес төрағасы Салауат Сыйлыбайұлы қатысты.
Мемлекеттік қызметшілерді тек жұмыспен шектелмей, серпіліс жасап, жан-жақты дамуына бағдар беру, қоғамдағы өзгерістерден шет қалмай қызметті біліммен, спортпен, тәрбие, мәдениетпен ұштастыру бағытында «мемлекеттік қызметтің жеті қазынасы» топтамасы ұсынылған болатын.
Ұлы дала тағылымы атты осы бағытта мұнайлы өңірдің шежірелі тарихы атты мемлекеттік қызметшілердің қауымдастығы немесе клубын ұйымдастыру көзделуде. Қауымдастық тарихымызға деген қызығушы мемлекеттік қызметшілерді біріктіреді деген сенімде.
Жиын барысында «Өңірдің мемлекеттік қызметі тарихы мәселесі бойынша кеңес» негізінде тарихи орындарды зерттеу, зерделеу, автоэкспедициялар жоспары таныстырылды.
«Рухани жаңғыру» Мемлекеттік бағдарламасының өзекті мәселелері туралы, тарих ғылымдарының докторы, профессор, «Рухани жаңғыру» кеңсесінің жетекшісі Жәмиға Тәжікқызы баяндады.
Мемлекеттік қызметкерлердің «Атырау облысының киелі жерлеріне саяхат автошеруі» жол картасының 3 бағыты туралы «Мәңгілік Ел» ғылыми зерттеу орталығы жетекшісі, тарих ғылымдарының докторы, профессор Аққали Қабижанұлы түсіндірді.
Қазақстандағы Мемлекеттік қызмет туралы баяндамасын «Хисмет Табылдиев атындағы» ғылыми зерттеу орталығы жетекшісі, тарих ғылымдарының докторы, профессор Сайполла Жұмабайұлы ұсынды.
ПІКІРЛЕР