Ғылыми кеңестің кезекті отырысы өтті
22 қазанда Х.Досмұхамедов атындағы Атырау университеті Ғылыми кеңесінің кеңейтілген онлайн отырысы өтті. Жоспарлы отырыстың модераторы Басқарма төрағасы-ректор Саламат Нұрмұханұлы бүгінгі Ұлттық сенім кеңесінің отырысында айтылған мәселелелер бойынша хабарлама жасай отыра, кіріспе сөзінде: «Президент Қ.К.Тоқаев Ұлттық қоғамдық сенім кеңесі отырысында атап көрсеткендей, қазіргі уақытта мемлекеттік жоғары оқу орындары коммерциялық емес акционерлік қоғамға айналды. Алайда, мемлекеттік жоғары оқу орындары мемлекет меншігінде қалдырылуы тиіс деп айтылғандығына баса назар аудару керектігін айтты. Осы бағытта Мемлекет басшысының Жолдауы – білім беру саласына қолдау танытатын бағдар болып табылады. Бұл біз үшін өте маңызды», - деп құрылымның өзгерістеріне байланысты жағдайларға ерекше тоқталды.
Кеңесте Әлеуметтік мәселелер және жастар саясаты жөніндегі проректор Л.Е.Қойшығұлова 2020-2021 оқу жылына қабылдау науқанының қорытындысы және университеттің маркетингтік саясатын іске асыру туралы баяндама жасады.
Ал, Ғылым және халықаралық байланыстар жөніндегі проректор Д.Ғ.Батрышев университеттің ғылыми-инновациялық қызметін дамыту бойынша стратегиялық міндеттер туралы кеңес мүшелеріне ақпарат берді.
Ғылыми кеңес отырысы соңында Басқарма төрағасы-ректор Саламат Нұрмұханұлы кезекті отырысты қорытындылап, көтерілген мәселелердің оңтайлы шешімін шығарып, нақтылауды тапсырды.
ПІКІРЛЕР