Жаңа кітап: Статистика негіздері: әлеуметтік зерттеу құралы

«Рухани жаңғыру» бағдарламасы аясында «Жаңа гуманитарлық білім: қазақ тіліндегі 100 жаңа оқулық» жобасы жүзеге асырылған болатын. Бұл «100 жаңа оқулық» бағдарламасы бойынша шетел әдебиеттерімен жаңартылған кітапхана базасы университетіміздің профессор-оқытушылар құрамы мен студенттеріне таптырмас құрал болып табылады. Себебі, кітаптан алынатын құнды ақпараттар мен қажетті мәліметтер оқу үдерісінде тәжірибе мен терең білім жинақтауда маңызы зор.

Джозеф Ф. Хилидің «Статистика негіздері: әлеуметтік зерттеу құралы» еңбегі алғаш рет 1984 жылы жарық көрген. Қолыңыздағы оқулық ағылшын тіліндегі төртінші басылым негізінде дайындалады. Оқулық төрт бөлімнен тұрады. Әр бөлім бірнеше тарауға бөлінген. Атап айтқанда, дескриптив статистика, гипотезаны сынау түрлері, ассоциацияның бивариатив өлшемдері, мультивариатив техникалар тәрізді статистика негіздері, оның әлеуметтік ғылымдарда алатын орны мен мүмкіндіктері туралы толық мағлұмат беріледі.

            Кітап жоғары оқу орындарының студенттеріне, ғалымдар мен оқытушыларға, статистика бойынша білімін арттырғысы келетін оқырман қауымға арналған.

Тізімге қайта оралу