- Басты бет
- МЕДИА-РЕСУРСТАР
- Жаңалықтар
- «Біздің Бейсен» кітабының таныстырылымы өтті
«Біздің Бейсен» кітабының таныстырылымы өтті
Атырауда журналист Бейсен Құранбек туралы естеліктер жинақталған «Біздің Бейсен» кітабының таныстырылымы өтті.
Кітапты Бейсен Құранбектің досы Бекен Әлирахым табыстады. Жинаққа Елбасының, мемлекет басшысының көңіл айтуынан бастап, ел ағаларының естелігі, замандастарының толғаныстары, қарапайып көрермендердің ықыласы топтастырылған. Кітапты жинақтап-құрастырып шыққан - журналист Есболат Айдабосын бастаған бір топ жастар.
Таныстырылымға Х.Досмұхамедұлы атындағы Атырау университетінің журналистика кафедрасының 1-курс студенттері қатысты. Студенттер Бейсен аға туралы өздерінің лебіздері мен естеліктерін айтты.
Өз тілегін жеткізген студентіміз Аяулымның пікірін білген едік:
"Біз кішкентай кезімізден Бейсен ағаның жүргізген телебағдарламаларын көріп өстік. Сол кезден бастап үлгі тұтамын. Болашақта Бейсен ағадай журналист болғым келеді. Кітап арқылы ол кісінің қандай адам болғанын да біліп отырмыз. Бұл біз үшін үлкен мәртебе"
Шара соңында жаңа туынды Атырау университетінің кітапханасына және Х.Досмұхамедұлы атындағы Атырау университетінің журналистика кафедрасына сыйға берілді.
ПІКІРЛЕР