Жаңа оқу жылындағы ғылыми кеңестің алғашқы отырысы өтті

10 қыркүйек күні университетіміздің ғылыми кеңесінің жаңа оқу жылындағы алғашқы отырысы өтті. Жоспарлы отырыстың алғашқы бөлімі зейнеткерлік жасына жеткен әріптестерімізді төсбелгілермен және грамоталарымен марапаттау рәсіміне арналды. Білім ордасының дамуына, ғылыми жолының қалыптасуына үлес қосқан қызметкерлерді құттықтау үшін алғашқы сөз кезегі Басқарма төрағасы-ректор Саламат Нұрмұханұлы алды. Оқу ордасының басшысы университетіміздің дамып, өркендеуі жолында аянбай еңбек еткен оқытушылар мен зейнет жасына шыққан әріптестерімізді ұжымының атынан үлкен алғысын білдірді. Ғылыми кеңес отырысының барысында жүрекжарды лебіздерін жеткізу үшін оқытушыларға сөз кезегі берілді. Сонымен қатар күн тәртібі бойынша қашықтан оқу процесі туралы сөз қозғалды. Алғысөзді оқу-ісі жөніндегі проректор Хансұлу Мұсақызы алды. Ол баяндамасында 2019-2020 жылдардағы жазғы емтихан сессияларының қорытындысына тоқталып, оқу үдерісіндегі бірнеше өзгерістерді атап көрсетті. Оның ішінде, кредиттік оқу жүйесіндегі студенттерге берілетін мүмкіншіліктер мен жеңілдіктер, сонымен қатар, онлайн оқу жүйесіне 2020 жылдың 16 наурызынан бастап көшкенін ескерте отырып, өткен оқу жылымен салыстырғанда оқу жүйесіндегі бірнеше келеңсіздіктерді қалпына келтірілгендігін айтып кетті. Келесі кезекте университеттің Персоналды басқару және дамыту бөлімінің басшысына сөз кезегі берілді. Ербол Темірғалиұлы «Х.Досмұхамедов атындағы Атырау университеті коммерциялық кеңес, акционерлік қоғамның құрылымдылық бөлімдері мен штат сандарын оңтайландыру және 2020-2021 жылына жаңа редакцияда ұйымдық құрылым мен штат санын әзірлеуі бойынша іс-шараларды жүргізу» туралы баяндамасында университетті басқару тиімділігін арттыру, қаржылық-экономикалық саланың шығындарды азайту, сонымен қатар, ғылым мен инновация бойынша алға қойылған міндеттерді сапалы түрде жүзеге асыру керектігі қамтылды. Ғылыми кеңес соңында Басқарма төрағасы-ректор Саламат Нұрмұханұлы кезекті отырысты қорытындылап, жұмыс, оқу жоспарын бекітіп, 2020-2021 жылындағы оқу процесінің графигін жасауды тапсырды.

ПІКІРЛЕР

Тізімге қайта оралу

ҚҰТТЫҚТАЙМЫЗ!

22 Сен 2020 24