- Басты бет
- МЕДИА-РЕСУРСТАР
- Жаңалықтар
- ҚҰТТЫҚТАЙМЫЗ!
ҚҰТТЫҚТАЙМЫЗ!
Ардагерлер кеңесінің төрағасы, педагогика ғылымдарының кандидаты Шахман Нағимұлын мерейлі жасымен құттықтаймыз!
Бүгін университетіміздің қадірлі ұстазы, Ардагерлер кеңесінің төрағасы, педагогика ғылымдарының кандидаты, Қазақстан және дүниежүзі тарихы кафедрасының қауымдастырылған профессоры, Атырау өңіріне танымал ғалым-педагог Шахман Нағимұлы Нағимов мерейлі 75 жасқа толды. Атырау университетінің Ғылыми кеңесі, ректораты және профессор-оқытушылар ұжымы атынан ардагер әріптесімізді шын жүректен құттықтаймыз! Университет басшысы мерейгерді құттықтап, Атырау өңіріндегі білім мен ғылымның қасиетті қара шаңырағы – Халел Досмұхамедов атындағы Атырау университетінің дамуы мен нығаюына қосқан ерен еңбегі үшін алғыс білдірді. Шахман Нағимұлы - Атырау өңірінде педагогикалық білімнің, орта және жоғары мектеп саласының дамуында өзіндік қолтаңбасы бар, өңірге қажетті тарихшы мамандарды дайындауға үлес қосып жүрген педагог. Әсіресе, білім тарихын зерттеп, облыс педагогтарының энциклопедиясын жазып, ұрпақ тәрбиесіне аянбай еңбек етіп жүрген мұғалімдер қызметінің бағалануына зор үлес қосуын жоғары бағалаймыз. Сонымен бірге еліміздің орта кәсіби және жоғары оқу орындары студенттеріне арналған «Мәдениеттану» оқулығының үлкен сұраныста болып, бірнеше рет қайта басылып шығуы да біз үшін үлкен абырой. Оқу мен тәрбиеге, шәкірттер дайындау ісіне үлкен жауапкершілікпен қарайтын педагогтың жетекшілігімен университеттің жас тарихшылары бірнеше мәрте республикалық пәндік олимпиадада жүлделі орындарға ие болды. 2002-2008 жылдары Қазақстан тарихы кафедрасын басқарған жылдары кафедра ғылыми әлеуеті жоғары кафедраға айналды. Бүгінде оқу орнының Ардагерлер кеңесі төрағасы ретінде Атырау облысы мен Атырау қаласы, университет көлеміндегі іс-шараларға белсенді қатысып, еліміздің қоғамдық-саяси тынысына байланысты пікірлерін айтатын азаматтық ұстанымымен көпшілікке танымал тұлға. Шахман Нағимұлын мерейлі жасымен университет ұжымы атынан құттықтап, ғылыми-педагогикалық қызметінде шығармашылық жетістіктер, мықты денсаулық тілейміз.Ұқсас материалдар
Ғылыми кеңестің кезекті отырысы өтті
27 Мар 2024
15
Студенттер баскетболдан жаңа білім алды
27 Мар 2024
23
Ұлыс оң болсын, ақ мол болсын!
24 Мар 2024
71
Мамандандырылған аккредиттеу аяқталды
20 Мар 2024
207
ПІКІРЛЕР