08.07.2020 1146

8 шілде күні Х.Досмұхамедов атындағы Атырау Мемлекеттік университетінде онлайн бағытта шығармашылық емтихан кезеңі басталды. Алғашқы күні емтихан жоспарына сәйкес «Бастапқы әскери,технологиялық және дене шынықтыру мұғалімі» мамандығы бойынша жалпы дене даярлығы және мамандану бойынша талапкерлер өз қабілеттерін ортаға салды. Сонымен қатар, «Музыка мұғалімі, қосымша білім беру педагогі», «Концерттік-камералық орындаушы, оқытушы», «Халық әні», « Халық аспаптары» мамандықтары бойынша шығармашылық сынақ өтті. Онлайн форматта алғаш рет өткізіліп отырған шығармашылық емтихан талантты талапкерлердің талабын шектеген жоқ. Емтихан алушы пән мұғалімдері де ерекше ризашылықпен тәнті болып, қолдау көрсетіп отырды. Болашақ талапкерлердің ұмтылысы мен талпынысы - біздің университетіміздің айнасы. Ерекше қабілетке ие, ойы ұшқыр, зерек студенттерді тұлға ретінде қалыптастыру – басты мақсатымыз.

Тізімге қайта оралу