- Басты бет
- МЕДИА-РЕСУРСТАР
- Жаңалықтар
- Көреген Елбасы-Сарабдал саясатшы
Көреген Елбасы-Сарабдал саясатшы
Қазақ халқының ардақты ұлы Әлихан Бөкейханов «Алаштың ортасы»деп баға беріп,армандаған Қараөткелді 1992 жылы Тәуелсіз ел астанасы ретінде таңдап,кейін 1998 жылы заң жүзінде бекітіп Әлемдік деңгейдегі миллионер,бейбітшілік пен келісім қаласы ретінде дамытқан сөз жоқ Нұрсұлтан Назарбаев.Астананың даму жолы-ол қаз тұрған егемен еліміздің қалыптасу,даму,өркендеу кезеңі. Бас қаламыздың сәулетшісі-сөз жоқ тұңғыш президентіміз Нұрсұлтан Назарбаев.
«Әр дәуірдің өз міндеттері бар» деп ұлы Гейне айтқандай, әр қоғамның, онда өмір сүріп жатқан адамдардың да алға қойған мақсат-міндеттері, армандары мен өмірлік ұстанымдары болады. Оның бәрі мемлекеттің даму, гүлдену бағыттарымен тікелей байланысты. Себебі қай жерде тыныштық болып, бейбітшілік салтанат құрса, адамдар да сондай жайлы мекенде өмір сүріп, қызмет жасағысы келеді.
Ал мұндай қолайлы орта қалыптастыру, мемлекеттің ішкі-сыртқы тұрақтылығын сақтау, елде бірлік пен ынтымақ орнату – сол Мемлекет басшысының сарабдал саясатына, парасат-пайымына, көрегендігіне тікелей қатысты.Ұдт көшбасшысы Н.Назарбаев туралы айтсақ,оның бар қажыр қайраты мен ізгі істері тәуелсіз ел тарихымен өрілген.Мәнді де,мағналы жолдар.
1990 жылдарындағы негізгі қоғамдық–саяси даму Қазақстанның дербес,тәуелсіз дамуына еркін жол ашты.1986 жылғы қазақ жастарының кеңестік тоталитарлық жүйеге ашық түрде бас көтеруі әлемдік қауымдастық қолдауын туғызып ,алып еліміз демократиялық дпму жолына түсті. 1980 жылдардың аяғында –ақ, Кеңестік жүйе ыдырап,тарих кеңістігіне тәуелсіз жас мемлекеттер шыға бастады.Қазақстандық тәуелсіздік үшін күрестің шырқау шегі болған,ол 1986 жылғы желтоқсан оқиғасы еді.Кеңестік әкімшіл-әміршіл жүйе аяусыз таптаған қозғалыс өзінің өміршілдігін көрсетті.Желтоқсанның ызғарлы күндері қазақ жастарының,зиялы қауымының ұлт-азаттық идеясын барша әлемге таратып,кеңестік жүйені қалтыратты .1990 жылы Қазақстан өзге республикалар сияқты тәуелсіздіктің сара жолына түсті. 1990 жылы 24 сәуірде Республика Жоғарғы Кеңесі Президент лауазымын бекітіп,оған Нұрсұлтан Әбішұлы Назарбаев сайланды.1990 жылы 25 қазанда Республика Жоғарғы Кеңесі мемлекеттік егемендік туралы Декларацияны, 1991 жылы 16 желтоқсанда мемлекеттік тәуелсіздік туралы заңды қабылдады .Тәуелсіздік лебімен қоғамдық өмір де жаңару,демократиялану даңғылына түсті.Содан бері міне 28 жылдай уақыт өтті. «Біздің тәуелсіздігіміздің,кез келген мемлекеттік тәуелсіздіктің қалыптасу тарихы дегеніміз бұл тек қана қоғамдық–саяси қайта құрудың тарихы емес,бұл өмірлік құндылықтардың,өмірдің өз мәнін қайта парақтау тарихы,танысу тарихы» –деген Н.Назарбаевтың пікірі,тәуелсіз өмір сүрген жылдарға берілген мәні зор баға .
Нұрсұлтан Әбішұлы Назарбаевтың 2018 жылы 21-ші қарашада баспасөзде жарияланған «Ұлы даланың жеті қыры» атты мақаласы Қазақстан тарих ғылымы үшін бүгінгі жетістігі мен алда тұрған міндеттерді саралаған мәнді еңбек болып табылады.Отандық тарих ғылымына деген оң көзқарасты қалыптастыру,ұлт тарихын баяндаудағы уақыт пен кеңістік,өркениет пен ұлы тұлғалар-міне,тарих ғылымының «ақтаңдақтары мен таңдақтарын»айырудағы негізгі ұғымдар. Қазақстандық тарихнамада тәуелсіздік жылдарынан бастау алған тұлғатану бағытына Елбасы мақаласы жаңа серпін берері анық.Қазақ тарихын білу деген сөз осындай тарихи тұлғалардың тарихын мақтан тұту және болашаққа үлгі ету болып шығады .
Іргелі елдігімізді, республикамыздың қарышты экономикалық-әлеуметтік дамуына өз қал-қадерінше септігін тигізген бүгінде қоғамда ірі-ірі ізгі істерімен көзге түсіп жүрген азаматтарымыздытізіп шығуға болады.Олардың арасында Н.Назарбаев тұлғасы ерекше биік.Себебі,Ол Тәуелсіздік тұлғасы.Елді біртұтас етіп біріктіру де,қоғамды даңғыл жолға салу да-елін,жерін сүйген тұлғалар арқасы екеніне тарих куә.
Лесқали Бердіғожин-тарих ғылымдарының докторы,Х.Досмұхамедов атындағы Атырау мемлекеттік университеті «Қазақстан және дүниежүзі тарихы» кафедрасының меңгерушісі
ПІКІРЛЕР