06.07.2020 895

2020 жылдың 6 шілде күні Гилян университеті ұйымдастырған Каспий маңы елдерінің мемлекеттік университеттері мен зерттеу орталықтары қауымдастығы мүшелерінің ректорларының кездесуі өтті. Вебинарда ғылыми комитеттердің (Астрахань мемлекеттік университеті, Ресей), білім беру (Сари ауылшаруашылық және табиғи ресурстар университеті, Иран) және студенттік іс-шаралар (Имам Хомейни атындағы халықаралық университет, Иран) баяндамалары мен ағымдағы жоспарлары тыңдалды. Сондай-ақ, серіктес университеттердің халықаралық ынтымақтастығын одан әрі дамыту бойынша алдағы іс-шаралар талқыланды. Х. Досмұхамедов атындағы Атырау университетінің ректоры, проф. С. Идрисов академиялық ұтқырлық бойынша ынтымақтастықтың келешегі, бірлескен білім беру бағдарламалары, ғылым бойынша гранттық жобалар, халықаралық рейтингтерге қатысу, әріптес университеттер базасындағы мәдениет және тіл орталықтарының ашылуы туралы баяндама жасады. Кездесу соңында университеттер Қауымдастық мүшелері үшін одан әрі ынтымақтастық бойынша бағдарламалар мен іс-шараларды ұсынды.

Тізімге қайта оралу