АтМУ-да тестілеу жалғасуда
Х.Досмұхамедов атындағы Атырау мемлекеттік университетінде Ұлттық бірыңғай тестілеу жалғасуда. 27 маусым күні ҰБТ кестесіне сәйкес 224 талапкер, 28 маусым күні 139 талапкер, түстен кейін 204 талапкер, 29 маусым күні 230 талапкер тестілеуге қатысып шықты.
Талапкерлер барлығы 14 аудиторияда тест тапсыруда. Әрбір аудитория медициналық-санитарлық нормаларға сәйкес жасақталған. Және де кезең-кезеңмен желдетіліп, өңделетін болады.
Талапкерлер әдеттегідей дезинфекциялаудың 5 кезеңінен өткізілуде.
Биыл ҰБТ-дағы бақылау күшейтілді. Әр аудитория бейнебақылау камераларымен жабдықталған. Қатысушылар металл іздегіштен өтпес бұрын ережелерді ұстану туралы міндеттемелермен танысады. Тыйым салынған заттарды қолдануға жасалған кез-келген әрекет тест нәтижелерін жарамсыз етеді, қатысушы аудиториядан шығарылады және осы жылы ҰБТ-ны қайта тапсыра алмайды.
Айта кетейік, 1-ші шілде күні жоспарға сәйкес осы жылғы мектеп түлектерінің соңғы легі ҰБТ тапсырады, осылайша 2019-2020 оқу жылының мектеп түлектеріне ҰБТ аяқталады.
21 маусым мен 1 шілде аралығында ҰБТ тапсыратындар үшін кесте өзгермейді.
Егер талапкер өзінің ҰБТ тапсыру пунктіне келіп үлгермесе, info@testcenter.kz электрондық поштасына өтініш жазуы керек.
Өтініш қысқа мерзімде қаралып, ол бойынша жақын жерде орналасқан облыс орталығында тапсыруға мүмкіндік беру жөнінде шешім қабылданатын болады.
Талапкерлерге сәттілік тілейміз!
ПІКІРЛЕР