Тәжірбиелік семинар басталды
4 маусым күні Х.Досмұхамедов атындағы Атырау мемлекеттік университетінде «Адамгершілік» ҚҚ-ның ұйымдастыруымен «ЖОО-да заңгер мамандығы бойынша білім алып жатырған студенттердің құқықтық сауаттылығын арттыру» тақырыбында тәжірибелік семинар басталды.
Семинардың басты мақсаты - болашақ заңгерлерге тұтынушы құқықтары туралы тереңінен түсінік беріп оқыту, тұрғындарға кәсіби білікті заң көмегін кең көлемде көрсетіп, құқықтық мемлекет құруға септігін тигізу.
ҚР-ның Ақпарат және Қоғамдық даму министрлігінің қолдауымен, «Азаматтық бастамаларды қолдау орталығы» КЕАҚ-ның «Атырау облысы бойынша тұтынушылардың құқықтарын қорғау саласында халықтың құқықтық сауаттылығын арттыру бойынша іс-шаралар өткізу» мемлекеттік гранты аясында өткізіліп отырған бұл семинар студенттердің тұтынушылар құқығын қорғау туралы білімдерін арттырады.
Үш күнге созылатын тәжірибелік семинарға шақырылған тренерлер Атырау облысы адвокаттар алқасының төрайымы А.К.Умарова, адвокат, медиатор Р.Е.Калиева және қоғамдық қор заңгерлері С.А.Рахимова, Д.С.Ульжагалиевалар тұтынушылар құқықтарының түсінігі, тұтынушылар құқықтарын мемлекеттік қорғау, тұтынушылар құқықтарын сотта қорғаудың ерекшеліктері, тұтынушылар құқығын қорғаудағы қоғамдық ұйымдардың орны мен рөлі және тағы да басқа маңызды тақырыптарда тәжірибелік дәріс беретін болады.
Сонымен қатар, болашақ заңгерлерге тұтынушылар құқықтарын қорғау процесінде жасақталатын құжаттарды жазу тәртібі мен ережелерін тәжірибе жүзінде үйретіп, құжаттар үлгілері мен үлестірме материалдары таратылады.
ПІКІРЛЕР