- Басты бет
- МЕДИА-РЕСУРСТАР
- Жаңалықтар
- «ӨТКЕНДІ ЕСТЕ САҚТАЙМЫЗ» атты эссе байқауы өтті
«ӨТКЕНДІ ЕСТЕ САҚТАЙМЫЗ» атты эссе байқауы өтті
ХХ ғасырдағы саяси қуғын-сүргін - мыңдаған жазықсыз адамдардың қаны мен көз жасына суарылған тарихымыздың шерлі беттерінің бірі екендігі шындық.
Ал сол бір қасіретті жылдарды есте сақтау бүгінгі және келер ұрпақтың парызы екендігі сөзсіз. Сондықтан 1997 жылдан бері жыл сайын 31 мамырда Қазақстанда Елбасы Нұрсұлтан Назарбаевтың Жарлығымен бекітілген Саяси қуғын-сүргін құрбандарын еске алу күні аталып келеді.
Осы саяси қуғын-сүргін құрбандарын еске алу күніне орай Атырау облысы әкімі аппараты «Қоғамдық келісім» мекемесі «ӨТКЕНДІ ЕСТЕ САҚТАЙМЫЗ» атты эссе байқауын жариялаған болатын. Байқауға жас зерттеушілер, студенттер, магистранттар мен докторанттар, оқу орындары мен ғылыми-зерттеу орталықтарының қызметкерлері, Қазақстанның ғылыми-сарапшылық қауымдастығының өкілдері қатысты.
Байқау қорытындысы 29 мамыр күні облыстық «Достық» үйінде жарияланып, жеңімпаздар марапатталды. Жүлделі орынға ие болған қатысушылар арасында Х.Досмұхамедов атындағы Атырау мемлекеттік университетінің студенттері мен магистранттары және жас мамандары болды. Олардың қатарында көптілді білім беру факультетінің 1-курс студенті Гүлназ Арыстанова, гуманитарлық ғылымдар және өнер факультеті тарих мамандығы 3-курс студенті Арайлым Кайрош, тарих мамандығы 2-курс магистранты Мәнет Өтепқалиева, тарих мамандығының 1-курс магистранты айтолқын Төлешова, имидж және ақпараттық саясат орталығының маманы Ақжарқын Мүтиеваның жұмыстары жүлделі орындармен, Алғыс хаттармен марапатталды.
Байқаудың өтуіне және ғылыми-әдістемелік тұрғыдан көмек беру жұмыстарына университеттің Қазақстан халқы ассаамблеясы институтының директоры, тарих ғылымдарының докторы, профессор Жанна Қыдыралина үлкен қолдау жүргізді. Сондай-ақ байқауға қатысқан жастарға жетекшілік жасаған Лесқали Бердіғожин, Шахман Нағимов, Гулфайруз Кайргалиева сынды әріптестерімізге ризашылық білдіреміз.
Бұл шара – жазықсыз жапа шегіп, қазақты егеменді ел етеміз деп еркіндікке ұмтылған ерлердің алдындағы борышты өтеуге, парызды ақтауға арналған жұмыстардың бастауы.
ПІКІРЛЕР