«Сәбилерге туған ел шуағы» атты Республикалық қайырымдылық акциясы жалғасуда
«Сәбилерге туған ел шуағы» атты Республикалық акция жалғасуда.
Айналамызға жақсылық жасап, үміт сыйлап, қайырымдылық көрсету мақсатында ұйымдастырылған акцияның негізгі мақсаты - Президент Қ.Тоқаевтің бастамасымен еріктілер жылы деп жарияланған жарияланымды қолдау болды.
Осы акцияға Х.Досмұхамедов атындағы Атырау мемлекеттік университетінің профессор – оқытушылар құрамы және студенттері белсене араласты.
Атап айтсақ, «Педагогика» кафедра лабораториясының ұжымы, соның ішінде аға оқытушы Г.Г. Жұбанғалиева мен оқытушы Г.Г. Арыстанғалиеваның жетекшілігімен тарих мамандығынан Рахат Қатарбаев пен Саман Полат, география мамандығынан Айна Айыпова, бейнелеу өнері және сызу мамандығынан Айда Құрманбаева қатысты. Сонымен қатар, дене шынықтыру және бастапқы әскери дайындық кафедрасының кафедра меңгерушісі А.С. Аралбаев, кафедраның аға оқытушысы Р.Р. Хабиров, дене шынықтыру және бастапқы әскери дайындық кафедрасының оқытушысы А.А. Қалдыбаеваның жетекшілігімен дене шынықтыру және спорт мамандығының 2 курс студенттері мен бастапқы әскери дайындық мамандығының 3 курс студенттері белсенділікпен ат салысты.
Қайырымдылық көрсету мақсатында ұйымдастырылған акцияға қатысушылар Нұр-сұлтан қаласындағы Қайырымдылық қордың директоры Г.Т.Бейсенованың арнайы алғыс хаты және дипломдарымен марапатталды.
ПІКІРЛЕР