Атырау университетінде республикалық информатиктер олимпиадасы басталды
6 сәуірде Х.Досмұхамедов атындағы Атырау мемлекеттік университетінде Білім және ғылым министрлігінің 2017 жылғы пәндік олимпиадаларды базалық жоғары оқу орындарында өткізу кестесіне сәйкес «5В011100 - Информатика» мамандығынан мемлекеттік және мемлекеттік емес жоғары оқу орындары арасындағы студенттердің IX республикалық олимпиадасы басталды. Олимпиадаға еліміздің түрлі аймақтарынан барлығы 14 команда қатысуда.
Олимпиаданың ашылу рәсімінде университет ректоры А.Талтенов қатысушыларды білім сайысының басталуымен құттықтап, командаларға сәттілік тіледі.
Түске дейін олимпиаданың сынама кезеңінен өткен білімпаздар олимпиада есептерін шығару және нәтижесін тексеру программаларымен танысып, тестілік есептер шығарды.
Түстен кейін бірінші кезеңі басталды. Ертен, 7 сәуірде, сайыстың 2-шіә айналымы өтетін болады. Сонымен қатар сайысты өткізу бағдарламасына сай, «Хан ордалы Сарайшық» мемориалдық кешеніне саяхат ұйымдастырылды.
Барлық сайыскерлерге өз білімдерін дәлелдеп, жеңіс тұғырынан көрінуге тілек білдіреміз.
ПІКІРЛЕР