«Жайдарман» - әзілқойлар мекені

«Жайдарман» - әзілқойлар мекені

Әзілқой жігіттер мен қыздар жиналған «Жайдарман» ойыны жастар арасында қарқынды дамуда. Ұтымды әзілдерімен көрерменге көтеріңкі көңілкүй сыйлайтын жастар, «Жайдарман»

Әзілқой жігіттер мен қыздар жиналған «Жайдарман» ойыны жастар арасында қарқынды дамуда. Ұтымды әзілдерімен көрерменге көтеріңкі көңілкүй сыйлайтын жастар, «Жайдарман» ойнау арқылы сахна мәдениеті мен сөйлеу мәнерін, ән айтып, би билеу, сондай-ақ ой ұшқырлығымен қатар актерлік шеберліктерін дамытады. Бойында өнері бар шығармашыл жастар сапалы әзіл-қалжыңы мен шеберліктерін шыңдай түседі. Жалпы, «Жайдарман» жастарға не береді? Ол жастардың заманмен қатар дамып, өмірде өз орындарын табуына септігін тигізеді.

Осындай көңілді тапқырлар жиналған «Жайдарман» ойыны 31 наурыз күні университетіміздің «Студенттік өзін-өзі басқару құрылымының» ұйымдастыруымен наурыз айындағы іс-шараларды қорытындылады. Бұл ойынға арнайы университетіміздің факультеттерінен жасақталған командалар «Ректор кубогы-2017-ні» алу үшін сынға түсті. Атап айтқанда, «Өнер және спорт факультеті» командасы, экономика және құқық факультетінен «Пигуди», жаратылыстану және ауылшаруашылық факультетінен «Достар», гуманитарлық ғылымдар және шетел тілдері факультетінен «Бірдеңе», аты айтып тұрғандай «Физмат» және де инновациялық білім беру факультетінен «Innovation» командалары өнер көрсетті.

Ойын екі бөлімнен тұрды: таныстыру және жамбы ату. Командаларға әділ бағасын берген әділқазылар құрамы «Жерұйық» командасының мүшелері Рахманов Чингиз, Ескендір Қоблан, сондай-ақ университетіміздегі «Халел» студенттік театрының режиссері әрі «Жас Отан» жастар қанатының белсенді мүшесі Амиржанов Бекболат пен Жастар саясаты департаментінің қызметкерлері Сарманқұлов Нұрлан мен Құрметұлы Абылай сынды тұлғалардан жасақталды.

Ойын соңында әділқазылар өз шешімдерін шығарып, үздік ойыншыларды анықтады. Олар: Рамазан Салық, Нұрым Айбек, Қайпан Парасат, Сабыров Нұрбол, Таңатаров Қуаныш және Инаматов Әділет. «Достар», «Физмат», «Өнержәне спорт факультеті» командалары Алғыс хатпен марапатталды. «Сын түзелмей, мін түзелмейді» демекші, бірқатар командалардың ойын сценарий мен әзілдердің мазмұнына қатысты жетілдіретін тұстары әлі де бар.

Тартысты өткен ойын нәтижесінде «Пигуди» командасы үшінші орынға, ал «Innovation» командасы екінші орынға ие болды. Ұтымды әзілдерімен көрермен көңілінен шыққан «Бірдеңе» командасы екінші жыл қатарынан ректор кубогын қанжығаларына байлады.

Барлық командаларды жеңістерімен құттықтай отырып, мағыналы әзілдерге толы жайдарман ойыны дәстүрлі түрде өтіп тұруына тілекшіміз!

Малика Такежанова
Журналистика мамандығының 1-ші курс студенті


ПІКІРЛЕР

Тізімге қайта оралу

Жаңа оқулық - жақсы тарту

19 Июн 2018 28

«Жаңа гуманитарлық білім. Қазақ тіліндегі 100 жаңа оқулық» жобасы аясында мемлекеттік тілге аударылған алғашқы 17 кітапты талқылауға арналған шараның үшінші күнінде экономика саласы бойынша оқулықтар талқыланды.

Кеңес отырысындағы өзекті талқылау

19 Июн 2018 23

Атырау мемлекеттік университетінде білікті педагогтар Атырау облысы жалпы орта білім беретін ұйымдарында «Назарбаев зияткерлік мектептері» ДББҰ тәжірибесін тарату жөніндегі үйлестіру кеңесі отырысында бас қосты.

ТӘЖІРИБЕНІ ЖЕТІЛДІРУДІҢ ТИІМДІ ЖОЛЫ

19 Июн 2018 45

19 маусым күні өткен «Іс-әрекеттегі зерттеу: тәжірибені жетілдірудің тиімді жолы» тақырыбындағы педагогтардың ІІ аймақтық форумның ұйымдастырылуына мұрындық болған Х.Досмұхамедов атындағы Атырау мемлекеттік университеті мен Атырау қаласындағы педагогикалық шеберлік орталығы болатын.

«Төртінші индустриялық революция» атты кітабы талқыланды

18 Июн 2018 20

Физика-математика және ақпараттық технологиялар факультетінде «Жаңа гуманитарлық білім. Қазақ тіліндегі 100 жаңа оқулық» жобасы аясында мемлекеттік тілге аударылған алғашқы 17 кітапты талқылауға арналған шараның жалғасы ретінде информатика және бағдарламалық инженерия кафедрасы оқытушыларының қатысумен Клаус Шваб «Төртінші индустриялық революция» атты оқулығы талқыланды.

Емдеу-сауықтыру орталығына жолдама берілді

18 Июн 2018 44

Университет кәсіподақ ұйымының басты бағыттарының бірі – есепте тұрған мүшелерінің жазғы еңбек демалысын ұтымды ұйымдастыру.