Ғылыми кеңес онлайн форматта өтті
Бүгін Х.Досмұхамедов атындағы Атырау мемлекеттік университеті Ғылыми кеңесінің кезекті мәжілісі еліміздегі эпидемиялогиялық жағдайға байланысты онлайн форматта өткізілді.
Ғылыми кеңестің күн тәртібі және қаралатын мәселелер алдын-ала кеңес мүшелеріне электрондық пошта арқылы танысуға жіберілген болатын. 2 сәуірде өткен кеңесте кәсіби бағдар жұмысының ұйымдастырылуы туралы әлеуметтік мәселелер және жастар саясаты жөніндегі проректор Л.Койшығұлова, Физика, математика және ақпараттық технологиялар факультетінің оқу-әдістемелік, ғылыми-зерттеу және тәрбие жұмыстарының жағдайы және даму болашағы жайында факультет деканы Б.Кенжегулов баяндама жасады. Әртүрлі мәселелерде ғылым және халықаралық байланыстар жөніндегі проректор Д.Ғ.Батрышевтың 2020 жылы университетішілік ғылыми жобалар сайысына (іргелі және қолданбалы ғылыми зерттеулер) қатынасқан 13 жобаның ішінен Ғылыми-техникалық Кеңестің (№ 1 хаттама) шешімімен талапқа сай деп танылған 5 ғылыми жобаны қаржыландыру туралы ұсынысы, Мәңгілік ел» ғылыми зерттеу орталығының директоры, Гуманитарлық ғылымдар және өнер факультетінің қауымдастырылған профессоры, тарих ғылымдарының докторы Ахмет Аққали Қабижанұлының өз авторлығымен Ресей мемлекеттік кітапхана қорынан алып, дайынған «История родного края в публикациях местных газет (1915-1918 гг.)» атты жинағын баспадан шығару туралы ұсынысы қаралып, ғылыми кеңес мүшелерінен қолдау тапты. Ғылым департаментінің директоры А.Мусаеваның университеттің ғылыми-техникалық Кеңесінің шешімімен Гуманитарлық ғылымдар және өнер факультеті «Қазақстан және дүниежүзі тарихы» кафедрасының қауымдастырылған профессоры, тарих ғылымдарының докторы Сарсенов Алдар Сарсенұлын профессор ғылыми атағына ұсыну туралы қаралды. Кеңес мүшелері өз шешімдерін онлайн дауыс беру арқылы жүргізді. Сондай-ақ «Атырау өлкесінің тарихы, археологиясы және этнографиясы» ғылыми зерттеу орталығына Атырау мемлекеттік университетін 1991-2000 жылдар аралығында басқарған, тарих ғылымдарының докторы, профессор Хисмет Табылдиевтің есімін беру туралы ұсынысты да ғылыми кеңес мүшелері бірауыздан қолдады.
ПІКІРЛЕР