01.04.2020 1013

Бүгін университет ректоры Саламат Идрисов Атырау облысында 30 наурыздан бастап карантин жариялануына байланысты оқу орны бойынша атқарылған іс-шаралар және оқу орнының қалыпты жұмысын қамтамасыз ету бағытындағы ағымдағы жұмыстарға арналған өндірістік жиналыс өткізді.

Өндірістік жиналыста 6-шы сәуірден бастап түстен кейінгі уақытқа сабақ кестесін көшіру, педагогикалық, өндірістік, дипломалды практикаларын ұйымдастыру, өткізу, қабылдау бойынша шаралар, оқытушылар мен қызметкерлердің, студенттердің әлеуметтік жағдайына талдау жасау, студентер арасында қашықтықтан оқытудың жай-күйіне арналған сауалнама жүргізу және басқа да мәселелер қаралды. Бүгінгі таңда Атырау университеті қалыпты жұмыс жасап жатыр, ректор бұйрығымен ұжым мүшелері қашықтықтан жұмыс жасау тәртібіне көшірілген, наурыз айының шәкіртақысы, оқытушылар мен қызметкерлердің, жұмысшылардың еңбекақылары толық төленді. Проректорлар мен факультет декандары өз бағыттары бойынша ағымдағы жағдай бойынша хабарлама жасады. Ректор аппараты

Тізімге қайта оралу