Балалар Университеті өз жұмысын бастады

Балалар Университеті өз жұмысын бастады

2017 жылдың 27-наурызында Х.Досмұхамедов атындағы Атырау мемлекеттік университетінде Балалар Университетінің салтанатты ашылу рәсімі өтті.

Өз жұмысын бастаған Kids University – Балалар Университеті Атырауда ғана емес, Қазақстан бойынша алғашқы бірегей жоба болып табылады. Kids University алғаш рет Германияда 2002 жылы ашылған және бүгінгі таңда әлем бойынша 150 Балалар Университеті жұмыс жасайды.

Балалар Университетінің идеясы – жас өрендерді өздерінің барлық ішкі мүмкіндіктерін ашып, оны нәтижелі жүзеге асыруға ұмтылдыру, қазіргі заманға сай креативті, тілдерді меңгерген, түрлі топтарда тіл табыса жұмыс жасау, ақпараттық компьютерлік технологияларды қолдана білу, жаңа дизайндық үлгілер құру дағдыларын қалыптастыру.

Балалар Университеті жобасының мақсаты – балалардың, мектеп оқушыларының жалпы білім беретін мектептер бағдарламасының аясынан шығып, халықаралық білім кеңістігіне енуіне жағдай жасау, қарапайым және қызықты тілде жастарды ғылымға баулу.

Kids University бағдарламасы аясында балаларға нағыз зерттеуші ғалымдар дәріс беріп, өз саласы бойынша кішкентай білімпаздардың «неге?» деген сұрақтарына жауап беретін болады. Балалар Университетінің өзге оқу бағдарламаларынан ерекшелігі – бұндағы мақсат балаларды оқыту емес, олардың ғылым мен техникаға қатысты түрлі сауалдарына пәндік салалар бойынша қызықты дәрістер өткізу. 

Ашылу рәсімінде сөз алған университеттің Бірінші проректоры-стратегиялық даму және халықаралық ынтымақтастық жөніндегі проректор Айгерім Шилібекова Kids University жобасына қатысушыларға сәттілік тілеп, пилоттық жобаның мақсатымен таныстырып өтті. 

Мектеп оқушыларының көктемгі каникулы кезінде жұмысын бастаған Kids University жобасына 5-11 сынып оқушылары қабылданған. Жобаның алғашқы қатысушылары қатарында Атырау университеті профессор-оқытушыларының балалары бар. 

Балалар Университетінің студенттері-мектеп оқушылары қазіргі каникулдағы бос уақытында өздерін шынайы университеттік ғылыми ортада сезініп, қаламызға танымал ғалымдардан түрлі пәндерден дәріс алады. 

Балалар Университетінің бірінші құрамына 5-11 сынып аралығындағы 52 оқушы қатысады. Олар 27-31 наурыз аралығында математика, информатика, экология, ағылшын тілі, тарих  пәндерінен қызықты дәрістерге қатысып, көркемсурет студиясында жұмыс жасайды.

Балалар Университетінің ресми ашылу салтанаты кезінде білім алушыларға арнайы студенттік билеттер табысталды. Сондай-ақ, Балалар университетінің ректоры Орынгүл Әбілова мен проректоры Асылжан Досмағамбетова екендігін атап өтеміз.


ПІКІРЛЕР

Тізімге қайта оралу

Ұлы дала батырлары есімі зерттеле бермек

11 Дек 2018 2

"Нұр Отан" партиясы Атырау облыстық филиалы жанынан құрылған саясаттанушылар орталығының ұйымдастыруымен Х.Досмұхамедов атындағы Атырау мемлекеттік университетінің профессоры, тарихшы-өлкетанушы Амангелді Шамғоновтың "Ұлы дала батыры – Тайманұлы Исатай" атты кітабының таныстырылымы өтті.

Ұлы дала батырлары есімі зерттеле бермек

11 Дек 2018 11

"НұрОтан" партиясы Атырау облыстық филиалы жанынан құрылған саясаттанушылар орталығының ұйымдастыруымен Х.Досмұхамедов атындағы Атырау мемлекеттік университетінің профессоры, тарихшы-өлкетанушы Амангелді Шамғоновтың "Ұлы дала батыры – Тайманұлы Исатай" атты кітабының таныстырылымы өтті.

Science Café кезекті отырысы

7 Дек 2018 32

2018 жылдың 7 желтоқсан күні Science Café кезекті отырысы болды. Спикер ретінде Кембридж университетінің профессоры, қаржы саласындағы Кембридж басқару қорының PhD мүшесі, бұрын Түркия Орталық банкінің төрағасының орынбасары, Қазақстан Форте Банк кеңесшісі (2016 ж.) Туралай Кенч қатысты.

АтМУ командасы І орын алды

6 Дек 2018 106

Желтоқсанның 1-і мен 3-і аралығында Қазақстанның батыс аймақтық ұлттық студенттік лигасының 2018-19 маусымының  I туры басталды. Рүстем Тулеуов жетекшілік ететін баскетбол командасы Х.Досмұхамедов атындағы Атырау мемлекеттік университеті командасы 3 команданы ойсырата жеңіп, 1 орынды иеленді.

Көптілді білім берудің өзекті мәселелері

6 Дек 2018 84

Қарашаның 30-ыншы жұлдызында Х. Досмұхамедов атындағы Атырау мемлекеттік университетінде «Рухани жаңғыру» мемлекеттік бағдарламасы аясында «Жоғарғы оқу орындарында көптілді білім берудің өзекті мәселелері» атты аймақтық, ғылыми-тәжірбиелік конференция өткізілді.