Құрметті Х.Досмұхамедов атындағы Атырау мемлекеттік университетінің ұжымы, студенттері мен магистранттары, ата-аналар!

Құрметті Х.Досмұхамедов атындағы Атырау мемлекеттік университетінің ұжымы, студенттері мен магистранттары, ата-аналар!

Әлемдегі COVID-19 коронавирусы қауіпіне байланысты еліміздегі ахуал және алдын-алу шаралары жайында БАҚ арқылы бәріңізде естіп, біліп отырсыздар. Мемлекет басшысы Қ.К. Тоқаевтың Жарлығымен Қазақстанда Төтенше жағдай енгізілді. Инфекцияның таралауына жол бермеу үшін тиісті шаралар қолға алынды.

Бүгіннен бастап барлық білім алушылар ҚР Білім және ғылым министрлігінің тапсырмасына сәйкес қашықтықтан оқыту форматына ауысты.

Досмұхамедов университеті Төтенше жағдайға байланысты тәртіпті қатаң басшылыққа алады. Барлық студенттер мен магистранттар үшін университетте интернет ресурстарының көмегімен«Оnline» режимдегі оқытуғатиісті жағдай жасалған.

16 наурыздан бастап сабақ кестесіне сәйкес профессор-оқытушылар құрамы «Оnline» режимдегі қашықтықтан оқытуды бастады. «Platonus»ақпараттық жүйесі арқылы оқытушылар, студенттер, магистранттар тиісті оқу жұмысының көлемін, керекті әдебиеттерді, тапсырмаларды ала алады.14-15 наурызда университеттің IT мамандарыдекандар және эдвйзерлермен бірге Zoom,   YouTube және басқа да ресурстар арқылы қашықтықтан оқыту технологиясы бойынша оқытушылар мен студенттерге нұсқаулықтар берді. Оқу процесіне күн сайын ерекше мән беріліп, қашықтықтан оқыту бойынша білім берудің сапалы болуы өзімнің жеке бақылауымда болады.

Құрметті достар! Әлемдегі және еліміздегі жағдайға байланысты уақытша қиындықтарға түсіністікпен қарауға шақырамын. «Бірлік бар жерде – тірлік бар» деген қазақ халқының нақыл сөзіндей, қиын кезде ел бірлігін сақтап, жарияланған тәртіпке мейлінше жауапкершілікпен қарау азаматтық парызымыз. Инфекцияның таралмауына әрбір азамат жауапты, қиындыққа бірге қарсы тұрайық, инфекцияны бірге жеңуге ат салысайық!

Университетте 13 наурыздағы бұйрығыммен жедел үйлестіру Штабы құрылды. Оның құрамына университет ректоры, проректорлары, декандары, студенттер үйі мен оқу ғимараттарының коменданттары енгізілді. Кез-келген сұрақтарыңыз бойынша осы тұлғаларға немесе 8(7122) 27-63-30 телефонына хабарласып, университеттің телеграмм-чатына жаза аласыздар.

 

 

                                                                  Құрметпен, ректор Саламат Идрисов

 

ПІКІРЛЕР

Тізімге қайта оралу

Поэзияға толы сәт

3 Апр 2020 54

"70 жылдыққа 70 тұлғамен кездесу" жобасы аясында кезекті онлайн форматта университетіміздегі "Ақтаңгер" ақындар клубының бастамасымен ҚР Жазушылар Одағы басқарма төрағасының орынбасары, белгілі ақын Бақыт Беделханмен ашық әңгіме өтті.

"FunTIME ONLINE" тартысты ойлар мекені!

3 Апр 2020 49

Короновирус індетінің алдын-алу мақсатында біз жұмысымызды қашықтықта отырып - ақ ұйымдастыра аламыз.Осы орайда ой - танымдық іс шаралар өз жұмысын онлайн форматта жалғастыруда.

Жатақханадағы жай-күй жан жадыратады

3 Апр 2020 50

Х.Досмұхамедов атындағы Атырау мемлекеттік университетіндегі қашықтықтан оқыту үдерісі студенттердің білім алуына оң ықпалын тигізіп келеді. Осы орайда,  елімізде орын алған келеңсіз індеттің алдын-алу мақсатында алыс мекенде тұратын студенттер қорғаныс мақсатында жатақханада қалған болатын.

Ғылыми кеңес онлайн форматта өтті

2 Апр 2020 36

Бүгін  Х.Досмұхамедов атындағы Атырау мемлекеттік университеті Ғылыми кеңесінің кезекті мәжілісі еліміздегі эпидемиялогиялық жағдайға байланысты онлайн форматта өткізілді.

ШҰҒЫЛ ЖЕТКІЗУ ҚЫЗМЕТІ ҰЙЫМДАСТЫРЫЛДЫ

2 Апр 2020 35

Х.Досмұхамедов атындағы Атырау мемлекеттік университетінде университет ұжымына қолдау көрсету мақсатында зейнеткерлер мен әлеуметтік жағдайы төмен отбасыларға шұғыл қажет болатын дәрі-дәрмектер мен бірінші кезекте қажетті азық-түліктерді үйге шұғыл жеткізу қызметі ұйымдастырылды.