- Басты бет
- МЕДИА-РЕСУРСТАР
- Жаңалықтар
- «ATYRAU UNIVERSITY SULTANY - 2020» байқауы өтті
«ATYRAU UNIVERSITY SULTANY - 2020» байқауы өтті
12 наурыз күні Құрманғазы атындағы мәдениет сарайында Х.Досмұхамедов атындағы Атырау мемлекеттік университеті жастар саясаты департаментінің ұйымдастыруымен «ATYRAU UNIVERSITY SULTANY - 2020» байқауы өтті.
Байқаудың басты мақсаты – салтымыз бен дінімізді өскелең ұрпаққа насихаттап, үлгі ету.
Жігіт сұлтаны байқауы төрт кезеңнен өтті. Айта кететін болсақ, бірінші бөлім – таныстыру, екінші бөлім – өз өнерін көрсету ,үшінші бөлім – сән үлгісі, төртінші бөлімде қатысушылар сұрақ – жауап бойынша қойылған сұрақтарға жауап берді.
Өнер додасына барлығы жігіт сұлтанына лайықты деген 7 студент қатысып, жан – жақты өнерлерін көрсетті.
Ең үздік қатысушыны таңдау құқығы өз ісінің шеберлері болып табылатын қазылар алқасының мүшелеріне ұсынылды.
Байқау соңында, әділ қазылардың шешімі бойынша барлық қатысушылар марапатталды. Яғни, «INSTA - Жұлдыз» - Шоқаев Жалғас, «Көрермендер көзайымы» - Жайлыбай Байтілеу, Марат Есмұрат, 20000 теңгелік сертификатпен 3 орынды Қуанышұлы Досхан, жүлделі 2 орынды 30000 теңгелік сертификатпен Шоқаев Жалғас, жүлделі 1 орынды 50000 теңгелік сертификатпен Жұмабаев Ерқанат, Ерекше өнерімен көрерменді таңқалдырған Еслямов Бақытбек «ATYRAU UNIVERSITY SULTANY - 2020», атағына лайық деп танылып, 70000 теңгелік сертификатпен марапатталды.
Бұл байқауда барлық факультеттің жігіттері шығармашылық, тапқырлық, көшбасшылық қасиеттерін ортаға салды.
ПІКІРЛЕР