Абайдың 175 жылдық мерейтойы салтанатты түрде ашылды
Қазақтың ұлы ақыны Абай Құнанбайұлының 175 жылдығын тойлау - Абайды тану.
Өткен жылғы 30 мамырда 2020 жылы Абай Құнанбайұлының 175 жылдығын мемлекеттік деңгейде мерекелеу туралы Президент Жарлығы шыққан болатын. Осыған орай, биыл ел көлемінде 500-ге жуық түрлі іс-шара өтеді деп жоспарланып отыр.
Атыраулықтар Абайды ұлықтау рәсімін бүгін Х.Досмұхамедов атындағы Атырау мемлекеттік университетінің мәдени-спорттық кешенінде бастады.
Абай мұрасын елімізде кеңінен насихаттау мақсатында ұйымдастырылған шараға облыс әкімі Махамбет Досмұхамбетов, зиялы қауым өкілдері және университетіміздің профессор-оқытушылар құрамы мен студенттері қатысты.
Шара барысында Абай әндері мен өлеңдерін өңірімізге танымал әншілер, Дина Нұрпейісова атындағы академиялық ұлт аспаптар оркестрі және жас өнерпаздары орындады. Абайдың жүріп өткен жолынан хабар берер көріністер сахналанып, көрермен көзайымына айналды.
ПІКІРЛЕР