Университет басшысы профессор Қабиболла Сыдиықовтың отбасымен кездесті
Бүгін Х.Досмұхамедов атындағы Атырау мемлекеттік университетінің ректоры Идрисов Саламат Нұрмұханұлы оқу ордамыздың 70 жылдығына орай оқу орнының дамуына елеулі үлес қосқан танымал ғалым Сыдиықов Қабиболланың жары мен ұрпақтарын қабылдады.
Елімізде әдебиеттану саласына өзінің зерттеулерімен айрықша үлес қосқан ғалым Қабиболла Сыдиықов 1950-1969 жылдары бұрынғы Гурьев педагогика институтында оқытушы, аға оқытушы, доцент лауазымдарында жұмыс жасаған болатын. Кездесуге Қ.Сыдиықовтың жары Гүлшат Омарқызы, ғалымның ұл-қыздары, күйеу баласы, ұстаздан дәріс алған шәкірттері Қазақстанның Құрметті журналисі Қаржаубай Сұлтанғалиұлы, белгілі журналист Төлеген Жаңабай қатысты. Кездесу барысынд Қабиболла ағамыздың ұстаздық, ғылыми-зерттеушілік жұмысы жайында естеліктер айтылып, оның ғылыми мұрасының маңызы жайында сөз қозғады. Айта кетейік, Қ.Сыдиықов тарихшы, этнограф, публицист ретінде Атырау және Маңғыстау өлкесінің мәдени, музыкалық тарихы, әдеби архитектуралық мұралары хақында көптеген мақалалар жариялады. Ақын ретінде поэзия саласында «Теңіз лебі» жинағын шығарды. Ол журналист ретінде өскелең өміріміз бен жасампаз еңбек адамдары туралы суреттемелер, очерктер, проблемалық мақалалар жазып, бүгінгі өміріміздің көкейкесті мәселелерін күн тәртібіне қойып, белсене қалам тартып келді. Ол – бүгінгі әдеби процесс туралы көптеген мақалар мен «Қазақ совет энциклопедиясы» авторларының бірі. Сонымен қатар, Атырау өңірінің әдеби, мәдени және тарихи мұраларын жинақтап, зерттеуге соның ішінде университетіміздің қалыптасуына зор ықпал еткен. Кездесу соңында Гулшат Омарқызы университеттің ғылыми кітапханасына ұстаз-ғалымның еңбектерін сыйға тартты.
ПІКІРЛЕР