«Қазіргі Қазақстан. Елбасының көшбасшылық сабақтары»

1 желтоқсан - Қазақстан Республикасының Тұңғыш Президент күніне орай  еліміздің барлық білім беру ұйымдарында жалпы республикалық ашық сабақтар өткізу жоспарына сәйкес бүгін университетімізде«Қазіргі Қазақстан. Елбасының көшбасшылық сабақтары» ашық дәрістері өтуде.

Лекторлар қатарында Атырау облысы Маслихатының депутаты Айтиева Нұрлы Тельманқызы, Атырау өңірінің тарихы, археологиясы және этнографиясы ғылыми-зерттеу орталығының директоры, т.ғ.д.,профессор Сапанов Сайпулла Жұмабайұлы, «Нұр-Отан» партиясының Атырау облысы филиалының төрағасының орынбасары Ожаев Нұрлыбек Жұмахметұлы бар.

Ашық дәріс барысында лекторлар Тәуелсіз Қазақстанның дүниеге келуінің ұлы шежіресі бірқатар тарихи кезеңдерден тұратындығына толығырақ тоқталды.

-         Жалпы, Тәуелсіз Қазақстанның дүниеге келуінің ұлы шежіресі бірқатар тарихи кезеңдерден тұрады. Олар: 1990 жылдың сәуірі - Н.Назарбаевты Республика Президенті лауазымына тағайындау, 1990 жылдың қазаны - Қазақстанның тәуелсіздігі туралы Декларация, 1991 жылдың тамызы - Семей ядролық сынақ полигонының жабылуы және Республикалық егемен алтын-валюта қорын құру, 1991 жылдың желтоқсаны - алғашқы бүкілхалықтық президенттік сайлау, біздің мемлекетміздің жаңа атауы туралы шешім қабылдау, 16 желтоқсан - «Қазақстанның мемлекеттік тәуелсіздігі туралы» Конституциялық Заңды қабылдау, 1993 жылдың 15 қарашасы - өзіміздің ұлттық валютаны және қаржы жүйесін енгізу. Бірақ, Елбасымыз Н.Назарбаев айрықша атап өтетін Тәуелсіздік жолындағы шежіреде Қазақстан халқы сол бір тағдыршешті кезеңде жүріп өткен үш шешуші тарихи белес бар. Оның біріншісі - біздің еліміздің алғашқы абсолютті егемен мемлекеттік актісі - Семей полигонын жабу туралы Жарлыққа қол қойылуы. Екінші белес - 1991 жылдың 1 желтоқсанында біздің халқымыздың бүкіл тарихында алғаш рет өткен жалпыға ортақ Қазақстан Президенті сайлауы. Үшінші белес - «Қазақстан Республикасының Мемлекеттік тәуелсіздігі туралы» Конституциялық заңның қабылдануы, - деді Нұрлы Тельманқызы.

Сондай-ақ, лекторлар Елбасымыздың бастамасымен қабылданған «Қазақстан-2050» стратегиясы, «Нұрлы жол» бағдарламасы, «100 нақты қадам» ұлт жоспарының өзектілігі жайлы айтты.

Атырау өңірінің тарихы, археологиясы және этнографиясы ғылыми-зерттеу орталығының директоры, т.ғ.д.,профессор Сапанов Сайпулла Жұмабайұлы:

Қазақстан Республикасының Конститутциясы мемлекеттік билік жүйесінде бірінші орынға Президентті қойды.

Республикада басқарудың президенттік формасын бекіту туралы конститутциялық ереже белгіленген. Басқарудың президенттік формасы обьективті фактілермен қабылданды.

Қазақстан Президенттік басқару жүйесін шартты үш кезеңге бөлуге болады.

1991-2000жж.

2000-2010жж.

2010-2019жж.

Осы кезеңдерді сараптап және Н.Ә.Назарбаевтың рөлін кқрсетуге тырысайық,- деген болатын.

Сонымен қатар, «Нұр-Отан» партиясының Атырау облысы филиалының төрағасының орынбасары Ожаев Нұрлыбек Жұмахметұлы ашық дәріс өткізу барысында тәуелсіз еліміздің тұғырлы болуы, болашақта еліміздің бәсекеге қабілетті болуы жалынды жастарымыздың қолында екенін атап айтты.

Қатысушылар дәрісті үлкен қызығушылықпен тыңдап, дәріс аяғында өздерін қызықтырған сұрақтар қойып, тұшымды жауап алды.

Шараға университеттің профессор-оқытушылар құрамы, студенттер және магистранттар қатысты.

ПІКІРЛЕР

Тізімге қайта оралу

ҚҰТТЫҚТАЙМЫЗ!

26 Окт 2020 34

ҚҰТТЫҚТАЙМЫЗ!

23 Окт 2020 54