Спартакиада басталды

Х.Досмұхамедов атындағы Атырау мемлекеттік университетінің құрылғанына 70 жыл толуына орай студенттер арасындағы факультетаралық спартакиада басталды.

Спартакиаданың мақсаты – студент жастар арасында салауатты өмір салтын кеңінен насихаттау, бұқаралық спортты одан әрі дамыту, аталған жарыстың жеңімпаздары мен жүлдегерлерін анықтау, университет құрама командасына ойыншыларды іріктеу.

Спартакиада дене тәрбиесі кафедрасының ұйымдастыруымен 11-29 қараша аралығында университеттің 1-оқу ғимаратының спорт залында және университеттің спорт мәдени кешенінде өтеді.

Жарыс спорттың 8 түрінен, атап айтсақ кіші аяқ добы (ұлдар), гандбол (қыздар), волейбол (ұлдар, қыздар), баскетбол (ұлдар, қыздар), үстел теннисі, шахмат, тоғызқұмалақ, арқан тарту, армрестлингтен өткізіледі.

Тізімге қайта оралу