ТАРИХИ САНАНЫ ЖАҢҒЫРТУ - ҚОҒАМДЫҚ КЕЛІСІМ МЕН ҰЛТ БІРЛІГІНІҢ ФАКТОРЫ

ТАРИХИ САНАНЫ ЖАҢҒЫРТУ - ҚОҒАМДЫҚ КЕЛІСІМ МЕН ҰЛТ БІРЛІГІНІҢ ФАКТОРЫ

Бұл тақырыпта 7 қарашада Х. Досмұхамедов атындағы Атырау мемлекеттік университетінде өңірлік ғылыми-тәжірибелік конференция өткізілді.  Шараның ұйымдастырушылары болған: Атырау облысы әкімі аппаратының Қазақстан халқы Ассамблеясының Хатшылығы, «Қоғамдық келісім» коммуналдық мемлекеттік мекемесі, Х. Досмұхамедов атындағы Атырау мемлекеттік университеті.

Конференцияға Қазақстанның ЖОО ғылыми-сараптамалық қауымдастығының, Атырау облыстық мемлекеттік мұрағаты мен облыстық кітапханасының қызметкерлері, этномәдени бірлестіктерінің, қоғамдық ұйымдарының өкілдері, студент жастары, БАҚ өкілдері қатысты.

Жиынның мақсаты: Елбасының қоғамдық және тарихи сананы жаңғыртуға арналған бағдарламалық мақалаларының түйінділерін кең жұртшылық пен жастар арасында ғылыми тұрғыда талқылау және түсіндіру; қазақстандық бірегейлікті және ұлт бірлігін нығайту бағытындағы тарихи-мәдени мұраларды зерделеу мен пайдалану тәжірибесімен алмасу.

        Конференцияның пленарлық отырысын Х. Досмұхамедов атындағы Атырау мемлекеттік университетінің ғылым жөніндегі проректоры, педагогика ғылымдарының кандидаты, қауымдастырылған профессор С.Н. Идрисов жүргізді. Атырау облысы әкімінің бірінші орынбасары С.Ж. Шапкеновтің атынан кіріспе сөзбен облыс әкімі аппараты Қазақстан халқы Ассамблеясы Хатшылығының меңгерушісі Г.М. Шакирова конференция жұмысын ашты.

         Пленарлық отырыста мазмұнды баяндамаларында маңызды мәселелер бойынша спикерлер: С. Бәйішев атындағы Ақтөбе университеті «Рухани жаңғыру орталығының директоры, филология ғылымдарының кандидаты, доцент М.О. Миров - тарихи тұлғалардың тарихи сананы жаңғыртудағы ролі; Ш.Ш. Уәлиханов атындағы Тарих және этнология институты Қазақстанның ежелгі және ортағасыр тарихы бөлімінің меңгерушісі-жетекші ғылыми қызметкері, тарих ғылымдарының кандидаты Е.М. Ужкенов - Қазақстандық халқының қалыптасуының тарихи-мәдени негізідері; С. Сейфуллин атындағы Қазақ агротехникалық университетінің доценті, тарих ғылымдарының кандидаты К.В. Джумагалиева - «Рухани жаңғыру» бағдарламасы Қазақстан халқының бірлігі мен этносаралық келісімнің негізі;

Атырау облыстық мемлекеттік мұрағатының директоры, тарих ғылымдарының кандидаты, қауымдастырылған профессор С.О. Қуаныш - 1920-1940 жылдарындағы Атырау облысының қоғамдық саяси өміріндегі өзгерістер архив құжаттарында; Х. Досмұхамедов атындағы Атырау мемлекеттік университеті Қазақстан халқы Ассамблеясы Ғылыми-зерттеу институтының директоры, тарих ғылымдарының докторы, профессор Ж.Ү. Қыдыралина - қоғамдық және тарихи сананы жаңғыртудағы Қазақстан халқы Ассамблеясы Ғылыми-зерттеу құрылымдарының әлеуеті; «Рухани жаңғыру» бағдарламасын жүзеге асырудағы ұлтаралық келісім бағытындағы жобалар Ә.Ұ. Ермағамбетова - «Рухани жаңғыру» бағдарламасын жүзеге асырудағы ұлтаралық келісім бағытындағы жобалар туралы сөйледі.

Баяндамашылардың кейін панельді пікірталас барысында сөз алған ғалымдар: Атырау инженерлік-гуманитарлық институтының проректоры, педагогика ғылымдарының докторы, профессор Ж.С. Хасанова, Х. Досмұхамедов атындағы Қазақстан тарихы кафедрасының қауымдастырылған профессор, тарих ғылымдарының кандидаты Г.Б. Каленова, «Сарайшық» тарихи-мемориалды кешенінің директоры, тарих ғылымдарының докторы, профессор Ә.Қ. Мұқтар және этномәдени бірлестіктерінің басшылыры: «Былина» орыс этномәдени бірлестігінің басшысы А.А. Кораблев, азербайджан этномәдени бірлестігінің басшысы Э.М. Ахмедов тарихи сана және ұлт бірлігі, Қазақстан этностарының тарихы мен мәдениеті, дәстүрлерінің сабақтастығы мәселелерін жастарға түсіндіру жөнінде ойларымен бөлісті.

Конференцияның жұмысы түстен кейін Ғ. Сланов атындағы Атырау облыстық кітапханасында жалғасты. Онда «Рухани жаңғыру» бағдарламасы және «Архив-2025» жобасы аясында «Кеңестік дәуріндегі Атырау өлкесінің тарихын зерттеуде архив құжаттарының маңызы» атты «дөңгелек үстел» өтті. Шарада «Қазақстанның қоғамдық-саяси өмірі Атырау облысы мемлекеттік архиві құжаттарында (1920-1940 жж.)» жарық көрген құжаттар жинағымен Атырау облыстық мемлекеттік мұрағатының директоры С.О. Қуаныш таныстырды. Жиынға жиналған тарихшы ғалымдар, қоғам қайраткерлері, әдебиетшілер мен журналистер кеңес кезеңдегі мемлекеттік террор саясаттың астарын талдап, саяси репрессиялардың механизмдері жөнінде ой-пікірлерімен алмасып бұл мәселелер жан-жақты зерттеу қажет ететіне тоқталды.

 

Жанна Қыдыралина,

Х. Досмұхамедов атындағы Атырау

мемлекеттік университеті


ПІКІРЛЕР

Тізімге қайта оралу

Қалалық маслихатта өткен ашық есік күні

21 Ноя 2019 12

Қазақстан Республикасының Президенті 2019 жыл "Жастар жылы" деп жариялаған болатын.

Экокампуста өткен дөңгелек үстел

21 Ноя 2019 11

Экология департаментінің ұйымдастыруымен Экокампусты дамыту бөлімінің қызметкерлері мен Х.Досмұхамедов атындағы Атырау мемлекеттік университетінің экология кафедрасының оқытушылары қаланың барлық супермаркеттерінің өкілдерін шақыруымен дөңгелек үстелге қатысты.

70 жылдық қарсаңындағы жүздесу

20 Ноя 2019 40

Бүгін университетімізде Аманкелді Кеңшілікұлы бастаған бірқатар өнер қайраткерлері қонақта болды. Айта кетейік, өңірімізде   RAHYMZHAN FEST атты Рахымжан Отарбаевтың ІІІ республикалық театр фестивалі өтуде. Фестивальге келген қонақтар Х.Досмұхамедов атындағы Атырау мемлекеттік университетіне арнайы ат басын бұрып, профессор-оқытушылармен, студенттермен кездесті. Аталмыш кездесу  қара шаңырағымыздың 70 жылдығына орай  «70 жылдыққа - 70 тұлғамен кездесу» шарасы аясында өтті.

Жаңашыл оқытушы

20 Ноя 2019 25

Х.Досмұхамедов атындағы Атырау мемлекеттік университеті «Бейнелеу өнер  және дизайн» кафедрасының аға оқытушысы, магистр Эльмира Жұмабаева әрқашан ізденгіштігімен, жаңа форматтағы сабақтар өткізуімен студенттер алдында беделге ие болған ұстаз.

Ирак Қасымұлымен кездесу өтті

20 Ноя 2019 44

Бүгін Х.Досмұхамедов атындағы Атырау мемлекеттік университетінде қара шаңырағымыздың 70 жылдығына орай  «70 жылдыққа -70 тұлғамен кездесу» аясында  ҚР Еңбек сіңірген заңгері, «Құрмет» орденінің иегері Елекеев Ирак Қасымұлымен кездесу  өтті. Кездесуге университетіміздің профессор-оқытушылары мен құқықтану мамандығында білім алушы студенттер қатысты.