Университет базасы жаңа робототехника зертханасымен толықты
Қазақстан Республикасы Білім және ғылым министрлігі педагогикалық университеттердің материалдық-техникалық базасын нығайту және дамыту мақсатында 16 аймақтық университеттерге робототехника жабдықтарын жеткізу жұмыстарын жүргізуде. Бұл жұмыс елдегі мұғалімдердің білімін жетілдіру мақсатында жүзеге асырылуда.
Аталмыш бағдарлама аясында Х.Досмұхамедов атындағы Атырау мемлекеттік университетіне кеше Қазақстан Республикасы Білім және ғылым министрлігінен робототехника зертханасы келді.
Университетімізде білім алып жатқан болашақ мамандардың сапалы білім алуы үшін робототехника зертханасы жұмыс істейтін болады.
Қазіргі таңда жоғарғы білім саласы үшін замануи біліктілігі жоғары, бәсекелестік қабілеті мықты маман даярлау міндеті тұр. Мақсат – болашақ педагог мамандарға робот техникаларын құрастыруды жете таныстыру, заманауи технологиялармен жұмыс істеуге машықтандыру болып табылады.
ПІКІРЛЕР