«Жаңа гуманитарлық білім. Қазақ тіліндегі 100 жаңа оқулық» жобасы іске асты
Осы жоба аясында 2019 жылдың 28 қазан-01қараша аралығында мемлекеттік тілге аударылған 30 оқулықты талқылауға арналған «Білім сапасының жетістігі жаңа оқулық» атты іс-шара өтуде.
Бұл шараның негізгі мақсаты - болашақ мамандардың, жастардың әлемдік деңгейдегі бәсекеге қабілеттілігі мен білімін арттыру және мемлекеттік тілге аударылған оқулықтардың мазмұны мен маңызын талқылап, ел арасына кеңінен насихаттау. Осындай игі шараны жүзеге асыру үшін университеттің басшылары мен профессор-оқытушыларын қатыстыра отырып, олардың жоба аясындағы өзіндік пікірлері мен қазақ тіліне аударылған оқулықтардың жаңа топтамасы дүниежүзі тарихы, әдебиет теориясы, халықаралық құқық және бизнес, қазіргі заманғы педагогика, өнер тарихы, интернет психологиясы, стратегиялық менеджмент, маркетинг негіздері, ұйымдық мінез-құлық, медиа және бизнес-коммуникация, адам ресурстарын басқару, дипломатия, ориентализм және семиосфера секілді бағыттар саласындағы кітаптардың құндылықтарын жария ету. Осынау жаһандану заманында ұлттық санамыздың жаңғыруына мүмкіндік берген Елбасының сарабдал саясаты мен ұлт жолындағы ұстанымдары бүгінгі жастарымыз бен келешек ұрпағымыздың бәсекеге қабілеттіліктерін арттырып, әлемдік білім кеңістігіне сай білім алуына айқара жол ашады деп сенеміз
. 
ПІКІРЛЕР