28.10.2019 600

25-27 қазан күндері Чили елінің Сантьяго қаласында каратеден кадеттер мен жастар арасындағы XI Әлем чемпионаты өтті. Олимпиадалық спорт түріне енген карате додасына әлемнің 96 мемлекетінен 1557 спортшы қатысты.  

Атыраулық спортшы, Х.Досмұхамедов атындағы Атырау мемлекеттік университеті, инновациялық білім беру факультетінің 2-курс студенті жасөспірімдер Олимпиада ойындарының жүлдегері, Азия  чемпионы Әбілмансұр Батырғали 67 келі салмақта сынға түсіп, барлық қарсыластарынан басым түсті.
Бұл салмақта 60 ел өкілдері өзара мықтыны анықтап, бақтарын сынады. 

Әбілмансұр ақтық сында Түркия елінің спортшысын 2:1 есебімен ұтып, әлем чемпионы атағына ие болды. 
Бұл жыл басынан бері атыраулық спортшылардың Олимпиадалық спорт түрлері бойынша жастар арасындағы әлем чемпионатында еншілеген алғашқы медальі.

Тізімге қайта оралу