23.10.2019 1181

Гуманитарлық ғылымдар және өнер факультетінің «Бейнелеу өнері және дизайн» кафедрасында 2019-2020 оқу жылында білім бағдарламаларын қайта саралау барысында «Жаңа гуманитарлық білім. Қазақ тіліндегі 100 жаңа оқулық» бағдарламасы аясында жарық көрген оқулықтарды енгізіп, оқу үдерісінде тиімді қолдануда.

Атап айтқанда,  танымал өнертанушы ғалым Эрнст Гомбрихтың «Өнер тарихы» кітабы «Бейнелеу өнері және көркем еңбек», «Дизайн» мамандықтарында «Өнер тарихы», «Материалдық мәдениет тарихы және дизайн», «Графика тарихы» және басқа да пәндерді оқытуда қолданылады. Австриялық және ағылшындық өнер тарихын зерттеуші Эрнст Гомбрих өзінің бұл кітабын 1950 жылы жариялаған. Қазіргі кезде өнер тарихы бойынша әлемдегі ең танымал оқулықтардың қатарына енген бұл кітап өнерге қызыққан жастарға аса керекті оқулықтардың бірі болып отыр. Әлемнің 30 тіліне аударылып, 8 миллион данадан астам тиражбен таралған, 16 рет қайта басылған кітапты қазақстандық студенттер де оқу үдерісінде пайдалануға мүмкіндік алды. Кафедраның аға оқытушысы, магистр Еркебұлан Шәріп аталмыш кітапты студенттерге таныстырып, авторға және оқулыққа қатысты мәліметтерді баяндады. Жалпы бұл кітап Оксфорд, Гарвард, Стенфорд, Принстон және басқа да танымал университеттердің негізгі оқулықтары қатарына енгізілген. 

Тізімге қайта оралу