09.10.2019 1587

Қазақ әдебиетінен ойып тұрып орын алған жазушы, актер, аудармашы, жерлесіміз Сәтімжан Санбаевтың сексен жылдығына арналған апталық АтМУдан басталды.

 Жазушының жары Светлана Мәуленқызы, жазушының ұлы мен немересі, филология ғылымдарының докторы, ақын Бауыржан Жақып, филология ғылымдарының докторы Светлана Ананьева бастаған қонақтар Сәтімжан шығармашылығына кеңінен тоқталды. 
Шара тізгінін қолына алған Әлеуметтік мәселелер және Жастар саясаты жөніндегі проректор Ләйлә Ерболатқызы жазушы өмірімен таныстырып, алғашқы сөзді ақын Бауыржан Жақыпқа ұсынды. Ол: - Сәтімжан аға жайлы айта беруге болады. Алайда, оның әлем әдебиетіне қосқан үлесін тілге тиек етпеске болмайды. Мақат кентінде өмірге келген Санбаев өзіне тән сара жол салды, -деді. 

Кездесу барысында жазушының жары Светлана Мәуленқызы Сәтімжан Санбаев туралы естеліктерімен бөлісті. Шара соңы естелік суреттерге түсумен тәмамдалды.

Тізімге қайта оралу